Nashik Unseasonal Rain : उन्हाळा आहे की पावसाळा? नाशिकमध्ये सलग पाचव्या दिवशी अवकाळीचा धुमाकूळ, पाहा PHOTOS

Nashik Unseasonal Rain : नाशिकमध्ये सलग पाचव्या दिवशी अवकाळी पावसाने हजेरी लावल्याने नागरिकांची चांगलीच तारांबळ उडाली.

Nashik Unseasonal Rain

नाशिककरांना सलग पाचव्या दिवशी अवकाळी पावसाने झोडपून काढले.

सोमवारी (दि. 12) दुपारच्या सुमारास नाशिक शहरात वादळी वाऱ्यासह जोरदार पाऊस झाला.

या पावसामुळे नाशिक शहराच्या मध्यवस्तीतील रस्त्यांना अक्षरशः नदी नाल्याचा रूप आलं होतं.

अचानक आलेल्या पावसानं जनजीवन विस्कळीत झाले होते.

पावसामुळे नाशिककरांची चांगलीच तारांबळ उडाल्याचे दिसून आले.

नाशिकमध्ये 15 ते 20 मिनिट पावसाने रौद्ररूप धारण केल्याने नाशिकमधील रस्त्यांवर पाणीच पाणी साचल्याचे चित्र आहे.

नाशिक शहरातील मेनरोड, शालिमार, सीबीएस, सिडको, नाशिकरोड, सातपूर यासह विविध भागांत अवकाळी पावसाने हजेरी लावली.

दरम्यान, गेल्या चार ते पाच दिवसांपासून नाशिक जिल्ह्यातील ग्रामीण भागात अवकाळी पाऊस जोरदार हजेरी लावत आहे.

नाशिक जिल्ह्याला अवकाळी पावसाचा मोठा फटका बसला आहे. 600 गावातील 14 हजाराहून अधिक शेतकऱ्यांचे नुकसान झाले आहे.

रविवारी सायंकाळी कृषी मंत्री माणिकराव कोकाटे यांनी सिन्नर तालुक्यातील काही भागांना भेट देऊन अवकाळी पावसाने झालेल्या नुकसानीची पाहणी केली.