Nashik Rains : मुसळधार पावसाने गोदामाई खळाळली! दुतोंड्या मारुतीच्या कमरेपर्यंत पाणी, पाहा PHOTOS

Nashik Rains : नाशिक जिल्ह्यामध्ये पावसाचा जोर वाढत असल्याने गंगापूर धरणातून पाण्याचा विसर्ग वाढवण्यात आला आहे.

Nashik Rains

नाशिकमध्ये सुरू असलेल्या मुसळधार पावसामुळे गोदावरी नदीच्या पाणीपातळीत लक्षणीय वाढ झाली आहे.

गोदावरीच्या पुराचे मापक मानल्या जाणाऱ्या दुतोंड्या मारुतीच्या मूर्तीच्या कमरेपर्यंत पाणी पोहोचले आहे.

रामकुंड परिसर पूर्णतः पाण्याखाली गेला आहे.

तसेच भाजीपटांगणातही पुराचे पाणी घुसले आहे

गंगापूर धरणातून नदीपात्रात 5,160 क्युसेक वेगाने पाण्याचा विसर्ग सुरू करण्यात आला आहे.

होळकर पुलाखालून सध्या 8,000 क्युसेक वेगाने गोदावरी नदीत पाणी वाहत आहे.

सकाळी 10 वाजल्यापासून गंगापूर धरणाचा विसर्ग वाढवण्यात आला आहे.

धरणक्षेत्रात झालेल्या दमदार पावसामुळे प्रशासनाने खबरदारीचा उपाय म्हणून पाण्याचा विसर्ग वाढवला आहे.

शहरातील नदीकिनाऱ्यावरील रहिवाशांना सतर्क राहण्याचे आवाहन प्रशासनाने केले आहे.

शनिवारी रात्री पुराच्या पाण्यात तरुण अडकला होता. पाण्यात अडकलेल्या तरुणाने तब्बल अर्धा तास सिमेंटच्या खांबाचा आधार घेतला. स्थानिक तरुणांनी आणि रेस्क्यू टीमने तरुणाला बाहेर काढले.