Nashik News: नाशिक धर्मांतर प्रकरणाच्या निषेधार्थ हिंदुत्ववादी संघटना आक्रमक, रणरणत्या उन्हात रणरागिणींची बाईक रॅली, PHOTO

Nashik News: गेल्या काही दिवसापासून नाशिकमध्ये 38 ते 39 डिग्री सेल्सियस एवढं तपमान आहे. उन्हाचा तडाखा जाणवत असताना देखील महिला-तरुणी मोठ्या संख्येने रस्त्यावर उतरल्याचे पाहायला मिळाले.

Nashik News

नाशिकमधील कंपनीत घडलेल्या लैंगिक शोषण आणि धर्मांतर प्रकरणाचा निषेध करण्यासाठी आज हिंदुत्ववादी संघटनांच्या वतीने शहरात भव्य बाईक रॅली काढण्यात आली.

रणरणत्या उन्हाची पर्वा न करता शेकडो तरुण-तरुणी आणि महिला या रॅलीमध्ये मोठ्या संख्येने सहभागी झाल्या होत्या.

या रॅलीत महिलांची आणि तरुणींची संख्या लक्षणीय होती. या रॅलीत भाजप आमदार देवयानी फरांदे देखील सहभागी झाल्या होत्या.

ही बाईक रॅली ज्या ठिकाणी हा धक्कादायक प्रकार घडला त्या कंपनीपासून सुरू होऊन नाशिकच्या जिल्हाधिकारी कार्यालयापर्यंत काढण्यात आली.

पीडित महिलांना लवकरात लवकर न्याय मिळावा ही प्रमुख मागणी यावेळी करण्यात आली.

या प्रकरणातील अटक करण्यात आलेल्या आरोपींना कठोर शिक्षा व्हावी, अशी मागणी देखील आंदोलकांनी केली.

रॅली दरम्यान आंदोलकांनी घोषणाबाजी करत कंपनीतील 'त्या' धर्मांतर षडयंत्राचा तीव्र शब्दांत निषेध नोंदवला.

नाशिकमधील विविध हिंदुत्ववादी संघटना या मुद्द्यावर एकत्र आल्या असून, शहराच्या सुरक्षेचा प्रश्न त्यांनी लावून धरला आहे.

रॅलीचा समारोप जिल्हाधिकारी कार्यालय येथे झाला.

रॅलीच्या पार्श्वभूमीवर शहरात कोणताही अनुचित प्रकार घडू नये यासाठी पोलिसांनी ठिकठिकाणी कडेकोट बंदोबस्त तैनात केला होता.