एकीकडे पंचतारांकीत रुग्णालये, दुसरीकडे उपचारासाठी आदिवासींच्या मरणयातना; झोळी बनली रुग्णवाहिका

nandurbar hospital adivasi

पुण्यातील दीनानाथ मंगेशकर रुग्णालयाने पैशासाठी रुग्णावर उपचार नाकारल्याने महिलेचा मृत्यू झाल्याची संतापजनक घटना उघडकीस आली आहे

धर्मादाय आयुक्तालयाच्या अंतर्गत असलेल्या या रुग्णालयातील प्रकारानंतर राज्यभरातून संताप व्यक्त झाला. तर, दुसरीकडे वैद्यकीय क्षेत्राचा होत असलेला बाजारही समोर आला आहे.

एकीकडे पंचतारांकीत रुग्णालये उभारली जात असताना आजही नंदूरबार जिल्ह्यात आदिवासी रुग्णांना रुग्णालयात पोहोचण्यासाठी चक्क साडीची झोळी बांधून न्यावे लागत आहेत.

नंदुरबार जिल्ह्यातील आदिवासी बांधवांच्या या मरणयातना कधी थांबणार असा सवाल यानिमित्ताने उपस्थित होत आहे.

आदिवासी बांधवांच्या जीवाशी खेळतय हे सरकार खेळतय का, असा सवालही स्थानिक सुजाण नागरिकांकडून आणि आदिवासी बांधवांकडून विचारला जात आहे

दोन बांबूच्या झोळीतून रुग्णांना जंगलातून तब्बल 15 किलोमीटरची पायपीट करुन उपचारासाठी शासकीय रुग्णालयात पोहोचावे लागत आहे.

रेंगीता आट्या चौधरी असं 18 वर्षीय रुग्ण तरुणीचं नाव असून रस्ता नसल्याने तिला उपचारासाठी जीवघेणा प्रवास करावा लागला आहे. विशेष म्हणजे, गेल्या 2 महिन्या बांबू झोळीतून जीवघेणा प्रवासाची ही तिसरी घटना आहे.