Nagpur Crime News: पावसामुळे लाईट गेली! चोरांनी डाव साधला, व्यापाऱ्याने कारमध्ये ठेवलेलं 1 कोटीचं सोनं कारसह पळवलं, नागपुरातील घटना

Nagpur Crime News: पावसामुळे लाईट गेली! घरी जाण्यासाठी सराफा व्यापाऱ्याने 1 कोटीचे दागिने कारमध्ये ठेवले, चार ते पाच जणांनी धमकावत हवेत गोळीबार करत ऐवजासह कार केली गायब

Nagpur Crime News

नागपुरातील खापरखेडा पोलीस स्टेशन अंतर्गत पिपळा डाग बंगला या ठिकाणी सराफा व्यापाराची तब्बल 1 कोटी 15 लाखांची लूट करण्यात आली आहे.

पिपळा डाग बंगला येथे निहारिका ज्वेलर्स नावाने दुकान असलेले रवी मुसळे यांचे सोन्या चांदीच्या दागिन्यांचे दुकान आहे, काल रात्री परिसरात पाऊस सुरू झाल्याने रस्त्यावरील पथदिवे बंद होते.

रवी मुसळे त्याच्या एका नातेवाईकांसह दुकान बंद करून घराकडे परत निघाले असता त्यांनी तब्बल 1 किलो सोने आणि 15 किलो चांदी असलेली बॅग त्यांच्या दुकानासमोर उभ्या असलेल्या कार मध्ये ठेवली.

दोघेही कारमध्ये बसून घराकडे निघणार त्याच्या आधीच चार ते पाच जणांनी त्या ठिकाणी येऊन दोघांना जबर मारहाण केली आणि बंदुकीचा धाक दाखवत हवेत गोळीबार केला.

त्यानंतर लुटारू रवी मुसळे यांची कार घेऊन सोने-चांदीची बॅगसह पसार झाले. नागपूर पोलिसांनी सीसीटीव्ही फुटेजच्या आधारे लुटारूंचा शोध सुरू केला असून अद्याप त्यांना पकडण्यात यश आलेलं नाही.