Nagpur Accident News : सिग्नलवर उभ्या असलेल्या कार अन् दुचाकीला टिप्परची धडक; नागपूरच्या गोरेवाडा-मानकापूर रोडवरील घटना

Nagpur Accident News : नागपूरच्या गोरेवाडा-मानकापूर रोडवर भीषण अपघाताची घटना घडली आहे. यात सिग्नलवर उभ्या असलेल्या कार अन् दुचाकीला टिप्परने धडक दिली आहे.

Nagpur Accident News

नागपूरच्या गोरेवाडा-मानकापूर रोडवर भीषण अपघाताची घटना घडली आहे.

यात पलोटी शाळेजवळ सिग्नलवर उभ्या असलेल्या कार आणि दुचाकीला पाठीमागून अनियंत्रित स्वरूपात आलेल्या टिप्परने जोरदार धडक दिली आहे.

ही धडक इतकी भीषण होती की दुचाकी आणि कारमध्ये बसलेले अनेक लोक या घटनेत गंभीर जखमी झाले असल्याची माहिती समोर आली आहे.

तर घटनेची माहिती मिळताच पोलीस घटनास्थळी दाखल झाले असून क्रेनच्या माध्यमातून अपघातग्रस्त कार आणि दुचाकी बाजूला करण्याचे प्रयत्न सुरू आहे.

वाळूच्या ट्रकने एक कार, एक दुचाकीला धडक दिली आणि त्यानंतर अनियंत्रित होऊन रस्त्याच्या कडेला असलेल्या पान टपरीला धडक दिली आहे.

वाळूचा ट्रकने धडक दिलेल्या कार आणि पान टपरीसह रस्त्याच्या कडेला असलेल्या नाल्यात घुसला आहे. दरम्यान यावेळी मोठा जमाव देखील घटनास्थळी जमला आहे.