Raj Thackeray BMC Election Result 2026: राज ठाकरेंना अखेर गुलालाने माखवलं; सर्व मनसैनिकांच्या डोळ्यात पाणी आणणारे शिवतीर्थावरील आठ PHOTO

Raj Thackeray BMC Election Result 2026: मुंबईची निवडणूक यंदा सर्वार्थानं वेगळी होती. तब्बल 20 वर्षानंतर उद्धव आणि राज ठाकरेंनी एकत्र येत निवडणूक लढवली. ठाकरे बंधूंना 71 जागी यश मिळालंय.

Raj Thackeray BMC Election Result 2026

Raj Thackeray BMC Election Result 2026: मुंबई महानगरपालिकेच्या निवडणुकीत ठाकरे बंधूंना मराठीबहुल भागांमध्ये भरभरुन मतदान झाले. यामध्ये दादरमधील वॉर्ड क्रमांक 192 चा समावेश आहे.

वॉर्ड क्रमांक 192 जागेवर मनसेचे यशवंत किल्लेदार (Yashwant Killedar) आणि शिंदे गटाच्या प्रीती पाटणकर यांच्यात लढाई होती. मात्र, यशवंत किल्लेदार यांनी या लढाईत बाजी मारली.

वॉर्ड क्रमांक 192मध्ये विजयी झाल्यानंतर यशवंत किलेदार आणि त्यांचे कार्यकर्ते राज ठाकरे यांच्या निवासस्थानी गेले. याठिकाणी मनसेच्या कार्यकर्त्यांनी गुलाल उधळून आनंद साजरा केला.

शिवतीर्थावर आलेल्या कार्यकर्त्यांनी राज ठाकरेंना गुलालाने माखवलं.

गेल्या अनेक वर्षांनंतर मनसैनिकांनी राज ठाकरेंना गुलालाने माखलेलं बघितलं.

राज ठाकरेंना पाहून अनेक मनसैनिक यावेळी भावूक झाल्याचेही दिसून आले.

यशवंत किल्लेदार शिवतीर्थावर आल्यानंतर यावेळी अमित ठाकरेंसह शर्मिला ठाकरे देखील उपस्थित होत्या.

मुंबईची निवडणूक यंदा सर्वार्थानं वेगळी होती. तब्बल 20 वर्षानंतर उद्धव आणि राज ठाकरेंनी एकत्र येत निवडणूक लढवली. ठाकरे बंधूंना 71 जागी यश मिळालंय. उद्धव ठाकरेंच्या शिवसेनेने 165 जागा लढवल्या होत्या. तर 53 जागांवर मनसेने निवडणूक लढवली. यापैकी उद्धव ठाकरेंच्या शिवसेनेला 65, तर राज ठाकरेंच्या मनसेला 6 जागा मिळाल्या.