Maharashtra Maritime Board : भाऊचा धक्का ते सिंधुदुर्ग समुद्राने पोहोचा; तुमची कारही सोबतीला नेता येणार

Maharashtra Maritime Board : भाऊचा धक्का ते सिंधुदुर्ग समुद्राने पोहोचा तुमची कारही सोबतीला नेता येणार

मुंबई विजयदुर्ग रो-रो सेवेसाठी एप्रिलचा मुहूर्त

मुंबईतील भाऊचा धक्का येथून सुटणारी ही बोट अवघ्या पाच तासांत विजयदुर्गला पोहोचणार आहे.

यामुळे सध्या 12 ते 14 तास लागणारा मुंबई–गोवा महामार्गावरील प्रवास टळणार आहे.

ही सेवा प्रथम गणेशोत्सव 2025 मध्ये सुरू करण्याचा मानस होता, मात्र तांत्रिक अडचणींमुळे उशीर झाला.

आता मार्चमध्ये निविदा प्रक्रिया पूर्ण करून एप्रिलमध्ये प्रायोगिक तत्त्वावर सेवा सुरू केली जाणार आहे.

ही सेवा यशस्वी ठरल्यास कायमस्वरूपी सुरू ठेवली जाईल, असे सागरी मंडळाने स्पष्ट केले आहे.

Continues below advertisement

प्रवासी तिकीट दर अंदाजे 2,500 ते 9,000 पर्यंत असतील.

दुचाकी, चारचाकी, बस अशा वाहनांसह प्रवास करण्याची सुविधा उपलब्ध असेल.

चारचाकीसाठी सुमारे 6,000 तर मोठ्या बससाठी 21,000 पर्यंत दर असू शकतात.

या सेवेचा हापूस आंबा वाहतूक आणि कोकणात जाणाऱ्या प्रवाशांना मोठा फायदा होणार आहे.