धक्कादायक ! ऑनलाईन मागवलेल्या आईस्क्रीमच्या कोनला बुरशी; ग्राहकाची पोलिसात तक्रार, मनसे रस्त्यावर

मुंबईतील अंधेरी पूर्वेत झेप्टो कंपनीकडून आईस्क्रीममध्ये फंगस लागलेले क्वॉर्नेटो कोन दिल्याची धक्कादायक घटना उघडकीस आली आहे.

MNS agitation against zepto company

मुंबईतील अंधेरी पूर्वेत झेप्टो कंपनीकडून आईस्क्रीममध्ये फंगस लागलेले क्वॉर्नेटो कोन दिल्याची धक्कादायक घटना उघडकीस आली आहे.

फंगस लागलेला आईस्क्रीम देणाऱ्या झेप्टो कंपनीविरोधात अंधेरीत मनसे आक्रमक झाली असून मनसेनं कंपनीच्या बाहेर आंदोलन केले.

अंधेरी पूर्वेत मरोळ परिसरामध्ये राहणारी निकिता चव्हाण यांनी झेप्टो कंपनीकडून हिंदुस्तान यूनिलिव्हर कंपनीची क्वॉर्नेटो डबल चॉकलेट आईस्क्रीम ऑनलाइन मागवली होती.

झेप्टो कंपनीने आईस्क्रीम घरी डिलिव्हरी केल्यानंतर आईस्क्रीममध्ये मोठ्या प्रमाणात फंगस निघाला आहे. त्यानंतर निकिता चव्हाण यांच्याकडून MIDC पोलीस स्टेशनमध्ये झेप्टो कंपनीविरोधात गुन्हा दाखल करण्यात आला आहे.

खराब आईस्क्रीम डिलिव्हरी करणाऱ्या झेप्टो कंपनीला बंद करण्याची मागणी करत मनसेकडून झेप्टो कंपनी बाहेर आंदोलन करण्यात आले.

मनसे अंधेरी विधानसभा अध्यक्ष रोहन सावंत यांच्या माध्यमातून झेप्टो कंपनी विरोधात हे आंदोलन करण्यात आले.

या आंदोलनात मनसे कडून झेप्टो कंपनीवर प्रशासनाने लवकरात लवकर कारवाई करुन उत्पदन बंद करावे अन्यथा मनसे रस्त्यावर उतरून आंदोलन करणार असल्याचा इशाराही देण्यात आला आहे.