Maratha Reservation Manoj Jarange : एकीकडे पावसाचा मारा, दुसरीकडे पोटात अन्नाचा दाणा नाही, मराठा आंदोलक म्हणाले, 'मुंबई आता मराठ्यांची राहिली नाही'

मुंबईच्या आझाद मैदानात मराठा आरक्षणाच्या मागणीसाठी उपोषणाला बसलेले मनोज जरांगे पाटील यांचा आज दुसरा दिवस आहे.

Maratha Reservation Manoj Jarange Patil At Azad Maidan

मुंबईच्या आझाद मैदानात मराठा आरक्षणाच्या मागणीसाठी उपोषणाला बसलेले मनोज जरांगे पाटील यांचा आज दुसरा दिवस आहे.

पावसाने थैमान घातलेल्या मुंबईत शेकडो मराठा बांधवांनी छत्रपती शिवाजी महाराज टर्मिनस स्थानकाचा आसरा घेतला.

तिकीट घरापासून ते फलाटापर्यंत अनेक आंदोलकांनी रात्री झोप घेतली.

या आंदोलनादरम्यान मराठा बांधवांना मोठ्या प्रमाणात गैरसोयींना सामोरे जावे लागत असल्याचे चित्र समोर आले.

मराठा आंदोलक जेवण घेऊन आले आहेत, पण पिण्यासाठी व स्वच्छतेसाठी पाणी नाही.

शौचालयात पाणीच नसल्याने मोठी अडचण होत आहे.

अंगोळीकरता टॅकरखाली बसावे लागत आहे.

हे सर्व जाणीवपूर्वक आंदोलन चिरडण्यासाठीच केले जात आहे, मुंबई आता मराठ्यांची राहिली नाही.” अशी प्रतिक्रिया आंदोलकांनी दिली.

मात्र, कितीही त्रास झाला तरी मराठा आरक्षणाशिवाय मागे हटणार नसल्याचा निर्धार आंदोलकांनी स्पष्ट केला आहे.

आझाद मैदानात आंदोलनाचा जोर दिवसेंदिवस वाढत असून, सरकारने यावर ठोस निर्णय घ्यावा, अशी मागणी मराठा समाजाकडून होत आहे.