India Won U19 World Cup : भारताने वर्ल्डकप जिंकताच मुंबईकर आयुषच्या घरी जल्लोष; वडिलांच्या डोळ्यात आनंदाश्रू, हाती तिरंगा घेऊन घोषणाबाजी

India Won U19 World Cup 2026 Beat England Final अंडर 19 टीम इंडियाने मुंबईच्या आयुष म्हात्रेच्या नेतृत्वात आज इंग्लंडला धूळ चारली. भारताने प्रथम फलंदाजी करताना 411 धावांचा डोंगर उभारला होता.

Ayush mhatre father emotional team india won worldcup under 19

अंडर 19 टीम इंडियाने मुंबईच्या आयुष म्हात्रेच्या नेतृत्वात आज इंग्लंडला धूळ चारली. भारताने प्रथम फलंदाजी करताना 411 धावांचा डोंगर उभारला होता.

भारताने 6 व्यांदा हा विश्वचषक जिंकला असून यापूर्वी मुंबईकर पृथ्वी शॉच्या नेतृत्वात भारतीय संघाने ही कामगिरी बजावली होती. आता, पुन्हा एकदा मुंबईकर आयुष म्हात्रेनं ते स्वप्न सत्यात उतरवरलंय.

भारताने विश्वचषक जिंकल्याचा आनंद सर्वत्र साजरा केला जात असून आयुष म्हात्रेच्या मुंबईतील घरी देखील मोठ्या जल्लोषात हा आनंद साजरा करण्यात आला.

आयुषच्या आई-वडिलांसह नातेवाईक आणि मित्र परिवारही आयुषच्या घरी हा अंतिम सामना पाहात होते. टीम इंडियाने सामना जिंकताच सर्वांनी एकच जल्लोष केला.

फाटके फोडून, पेढे वाटून हा क्षण गोड केला, मात्र लेकाच्या कामगिरीने आई-वडिलांचे डोळे पाणावल्याचंही दिसून आलं. अनेकांच्या डोळ्यात आनंदाश्रू तरळले होते.

या ऐतिहासिक क्षणांचे साक्षीदार होण्यासाठी आयुष्यच्या नालासोपाऱ्यातील राहत्या घरी खास मोठी स्क्रीन लावण्यात आली होती. कुटुंबीय, नातेवाईक आणि आप्तेष्ट एकत्र बसून सामना पाहत असून प्रत्येक षटकागणिक उत्कंठा वाढताना दिसले.

भारतीय संघाची विकेट पडताच घरात आनंदाचा जल्लोष उसळतो आहे, तर प्रत्येक यशस्वी क्षणाला टाळ्यांचा कडकडाट आणि जल्लोषात घर दुमदुमून जात होते.

आनंद व्यक्त करण्यासाठी माझ्याकडे शब्द नाहीत, माझ्या मुलाने क्रिकेटशिवाय दुसरं काही बघितलंच नाही. त्यामुळेच, आज हे यश मिळालं आहे. लेकाचा अभिमान वाटतो, त्याला सॅल्यूट करतो, असे आयुषच्या वडिलांनी एबीपी माझाशी बोलताना म्हटले.

क्रिकेटसाठी कठोर परिश्रम त्याने घेतले असून अनेक गोष्टींचा त्याग केला आहे. या दिवसाची आम्ही कित्येक दिवसांपासून, वर्षांपासून वाट पाहत होतो, आज तो दिवस उजाडला.

दरम्यान, भारताने 411 धावांचा डोंगर उभारला होता, त्यामध्ये, वैभव सूर्यवंशीची तडाकेबंद 175 धावांची खेळी तर आयुषने 51 चेंडूत 7 चौकार आणि 2 षटकारांसह 53 धावांची महत्त्वपूर्ण अर्धशतकी खेळी साकारली.