तारीख ठरली! शिवाजी पार्कवरुन मुंबईसाठी गर्जना, ठाकरे बंधूंची अन् युतीच्या शिंदे-फडणवीसांची

मुंबई महापालिकेच्या निवडणुकीकडे राज्याचे लक्ष लागले असून यंदा ठाकरे बंधू एकत्र आल्याने ठाकरे विरुद्ध भाजप-शिंदे अशी थेट लढत होत आहे. त्यासाठी, दोन्ही युतीच्या पक्षांकडून जोरदार तयारी सुरू आहे.

Mumbai Shivaji park rally thackeray

मुंबई महापालिकेच्या निवडणुकीकडे राज्याचे लक्ष लागले असून यंदा ठाकरे बंधू एकत्र आल्याने ठाकरे विरुद्ध भाजप-शिंदे अशी थेट लढत होत आहे. त्यासाठी, दोन्ही युतीच्या पक्षांकडून जोरदार तयारी सुरू आहे.

मुंबईसह महाराष्ट्रातील 29 महापालिकांसाठी निवडणूक होत असून सर्वच पालिका क्षेत्रात सध्या सभांचा, प्रचार रॅलींचा हंगाम पाहायला मिळत आहे. मुख्यमंत्री देवेंद्र फडणवीस आणि एकनाथ शिंदेंनी सभांचा धडाका लावला आहे.

ठाकरे बंधूंकडून अद्याप एकही सभा झाली असून सध्या टेलिव्हिजन चॅनेल्सला ते मुलाखती देत आहेत, त्याच पार्श्वभूमीवर आता ठाकरेंची तोफ कधी धडकणार याची उत्सुकता मुंबईसह अवघ्या महाराष्ट्राला आहे.

राजकीय पक्षांसाठी शिवाजी पार्कवरील सभांच्या तारखा निश्चित करण्यात आल्या असून उद्धव ठाकरे आणि राज ठाकरे यांच्या संयुक्त सभेला शिवाजी पार्कवर 11 तारखेची परवानगी देण्यात आली आहे.

शिवसेना भाजप यांच्या संयुक्त सांगता सभेला 12 जानेवारीची परवानगी देण्यात आली आहे. त्यामुळे, मुख्यमंत्री देवेंद्र फडणवीस आणि उपमुख्यमंत्री एकनाथ शिंदेंची गर्जना ऐकायला मिळेल.

शिवसेना ठाकरे गट, मनसे, शिंदेंची शिवसेना आणि भाजप या चार पक्षांनी शिवाजी पार्क मैदान 11, 12 जानेवारीला सांगता सभेसाठी मिळावं यासाठी मुंबई महापालिकेला पत्र दिलं होतं.

मुंबई महापालिकेने राज ठाकरे उद्धव ठाकरे यांच्या सभेला 11 जानेवारी रोजी परवानगी दिली आहे, 11 जानेवारीला सायंकाळी सहा वाजता संयुक्त सभा होणार आहे. तर 12 जानेवारीला भाजप आणि शिवसेनेची मुंबईतील भव्य संयुक्त सभा शिवाजी पार्कवर होईल.