Mumbai Accident News:मुंबईच्या पश्चिम द्रुतगती महामार्गावर मोठा अपघात; उभ्या ट्रकला बेस्ट बसची मागून जोरदार धडक

Mumbai Accident News: मुंबईच्या पश्चिम द्रुतगती महामार्गावर असेलेल्या गोरेगाव येथे मोठा अपघात झाला आहे. पहाटे सहा वाजताच्या सुमारास ट्रक आणि बेस्ट बसमध्ये हा मोठा अपघात झाला आहे.

Mumbai Accident News

Mumbai Accident News: मुंबईच्या पश्चिम द्रुतगती महामार्गावर असेलेल्या गोरेगाव येथे मोठा अपघात झाला आहे. पहाटे सहा वाजताच्या सुमारास ट्रक आणि बेस्ट बसमध्ये हा मोठा अपघात झाला आहे.

पुढे आलेल्या माहितीनुसार, गोरेगाव परिसरात वनराई पोलीस स्टेशनच्या हद्दीत रस्त्यावरून जाणाऱ्या ट्रकला बेस्ट बसणे मागून जोरदार धडक दिली.

बोरिवलीकडून अंधेरीच्या दिशेने जाणाऱ्या बसने ट्रकला वनराई पोलीस स्टेशन समोरच मागून जोरात धडक दिली.

वनराई पोलिसांकडून काही दिवसपूर्वी सहा चोरीचे ट्रक जप्त करण्यात आले होते, या जप्त केलेले ट्रक वनराई पोलिसांकडून गोरेगाव हायवे जवळ उभा करण्यात आला होता.

याच उभा असलेल्या ट्रॅकला बेस्ट बसणे मागून जोरदार धडक दिली. या अपघातात बसच्या पुढील भागाचे मोठ्या प्रमाणावर नुकसान झाले आहे. तर पुढे आलेल्या माहितीनुसार बस मधील 5 ते 6 प्रवासी गंभीर जखमी झाले आहे.

जखमी प्रवाशांना जोगेश्वरीतील हिंदू हृदय सम्राट बाळासाहेब ठाकरे ट्रॉमा केअर रुग्णालयात उपचारासाठी दाखल केले आहे.

तर वनराई पोलीस ठाण्यात बस चालका विरोधात गुन्हा दाखल करून त्याला अटक करण्याची प्रक्रिया सुरू करण्यात आली आहे.

त्यापूर्वी वनराई पोलिसांनी बसचालकाला ताब्यात घेतले आहे.