Yavatmal News : पोलीस वेल्फेअर असोसिएशनच्या पंपावरच कायद्याचे उल्लंघन; डबे अन् कॅनमधून सर्रास पेट्रोलचं वितरण; अफवांमुळे यवतमाळच्या मारेगावात लांबचं लांब रांगा

Yavatmal Petrol Shortage: यवतमाळच्या मारेगाव येथे पेट्रोल-डिझेल तुटवड्याच्या अफवेमुळे शहरातील पोलीस वेल्फेअर पेट्रोल पंपाव डबे व कॅनमध्येही इंधन नेण्यासाठी नागरिकांनी मोठी गर्दी केली.

Yavatmal Petrol Shortage

Yavatmal News : अफवांच्या बाजारामुळे गाड्यांमध्ये पेट्रोल आणि डिझेल भरून ठेवण्यासाठी वाहनधारकांची राज्यातील अनेक पेट्रोल पंपवर तोबा गर्दी केल्याचे चित्र बघायला मिळत आहे.

अशातच यवतमाळच्या मारेगाव येथे पेट्रोल-डिझेल तुटवड्याच्या अफवेमुळे शहरातील पोलीस वेल्फेअर पेट्रोल पंपावर नागरिकांची मोठी गर्दी उसळली.

मात्र यावेळी नागरिकांनी चक्क डबे आणि कॅनमध्येही इंधन साठवण्याचा प्रयत्न केलाय. डबे, बॉटल्स आणि कॅनसारख्या गोष्टीमध्ये पेट्रोल देता येत नाही, त्या संदर्भात नियम असून असं करणं बेकायदेशीर आहे.

असे असताना पोलीस वेल्फेअर असोसिएशनच्याच पंपावर कायदाचे उल्लंघन होत असल्याचं पुढे आले आहे.

सोशल मीडियावर आंतरराष्ट्रीय संघर्षामुळे पुरवठा खंडित होणार असल्याची चर्चा व्हायरल झाल्याने ही परिस्थिती निर्माण झालीय.

Continues below advertisement

यवतमाळच्या मारेगाव येथे रात्री उशिरापर्यंत, म्हणजेच तब्बल दोन वाजेपर्यंत नागरिकांनी इंधन भरण्यासाठी धावाधाव केली. अनेकांनी गाड्यांच्या टाक्या फुल करून घेतल्या, तर काहींनी डबे व कॅनमध्येही इंधन साठवण्याचा प्रयत्न केला.

सोशल मीडियावर आंतरराष्ट्रीय संघर्षामुळे पुरवठा खंडित होणार असल्याची चर्चा व्हायरल झाल्याने ही परिस्थिती निर्माण झाली. मात्र, अधिकृतरीत्या कोणताही तुटवडा नसल्याचे सांगण्यात येत असून नागरिकांनी अफवांवर विश्वास न ठेवण्याचे आवाहन करण्यात आले आहे.