Vasai-Virar Rain News : वसई-विरारमध्ये पावसाचा कहर; अनेक रस्ते जलमय, वाहनेही पाण्याखाली; जनजीवन पूर्णपणे विस्कळीत

Vasai-Virar Rain: वसई-विरारमध्ये सकाळपासून कोसळत असलेल्या मुसळधार पावसामुळे शहरातील जनजीवन पूर्णपणे विस्कळीत झाले आहे. पावसाचा जोर असाच कायम राहिल्यास शहरातील परिस्थिती आणखी गंभीर होण्याची शक्यता आहे.

Vasai Virar Rain News

Vasai-Virar Rain News : वसई-विरारमध्ये सकाळपासून कोसळत असलेल्या मुसळधार पावसामुळे शहरातील जनजीवन पूर्णपणे विस्कळीत झाले आहे.

शहरातील अनेक सखल भागांमध्ये रस्त्यांवर मोठ्या प्रमाणात पाणी साचले असून नागरिकांना अक्षरशः पाण्यातून वाट काढावी लागत आहे.

रस्त्याच्या कडेला काल पार्क केलेली अनेक वाहने आज पाण्याखाली गेल्याचे चित्र पाहायला मिळत आहे.

काही ठिकाणी गुडघ्यापर्यंत पाणी साचल्याने वाहनचालकांची मोठी गैरसोय होत आहे. अनेक रस्ते आणि परिसर जलमय झाल्याने वाहतुकीवरही परिणाम झाला आहे.

दरम्यान, पालिकेचे बसस्टॉपदेखील पाण्यात बुडाल्याचे चित्र समोर आले आहे. त्यामुळे प्रवाशांना बसची वाट पाहण्यासाठीही सुरक्षित जागा उपलब्ध नसल्याची परिस्थिती निर्माण झाली आहे.

एकीकडे गणेशोत्सवाच्या पार्श्वभूमीवर गणरायाच्या आगमनाची लगबग सुरू असतानाच दुसरीकडे मुसळधार पावसाने वसई-विरारकरांची चिंता वाढवली आहे.

पावसाचा जोर असाच कायम राहिल्यास शहरातील परिस्थिती आणखी गंभीर होण्याची शक्यता आहे.

प्रशासनाने सखल भागातील पाण्याचा निचरा करण्यासाठी तातडीने उपाययोजना करण्याची गरज आहे.