Goa Fort Ratnagiri: संवर्धनाच्या नावावर कोट्यवधींचा खर्च, अन् एका पावसात शिवरायांच्या किल्ल्याची तटबंदी पुन्हा ढासळली, कामाच्या गुणवत्तेबाबत गंभीर प्रश्न

Ratnagiri News Goa Fort : शिवरायांच्या पदस्पर्शाने पावन झालेल्या अन् सरखेल कान्होजी आंग्रेंच्या पराक्रमाची साक्ष देणाऱ्या गोवा किल्ल्याची तटबंदी पुन्हा एकदा कोसळली आहे.

Ratnagiri News Goa Fort

Ratnagiri News Goa Fort : छत्रपती शिवाजी महाराज आणि गडकिल्ले या महाराष्ट्राचे प्रेरणा आणि शौर्यस्थळ आहे. याच किल्ल्यांचे साक्षीने हिंदवी स्वराज्याचं स्वप्नाला पूर्णत्व प्राप्त झालं. अशातच या गडकिल्यांसंदर्भात एक अतिशय धक्कादायक बातमी समोर आली आहे.

रत्नागिरीच्या ऐतिहासिक अस्मितेला हादरवणारी आणि प्रत्येक शिवप्रेमीच्या मनाला वेदना देणारी ही धक्कादायक बातमी पुढे आली आहे.

image 6

हर्णे येथील छत्रपती शिवाजी महाराजांच्या पदस्पर्शाने पावन झालेल्या आणि सरखेल कान्होजी आंग्रे यांच्या पराक्रमाची साक्ष देणाऱ्या ऐतिहासिक गोवा किल्ल्याची तटबंदी पुन्हा एकदा कोसळली आहे.

विशेष म्हणजे, किल्ल्याच्या संवर्धनासाठी कोट्यवधी रुपये खर्च करून नुकतेच दुरुस्तीचे काम पूर्ण करण्यात आले होते.

Continues below advertisement

मात्र मुसळधार पावसानंतर प्रवेशद्वारासमोरील तटबंदीचा मोठा भाग ढासळल्याने या संवर्धन कामाच्या गुणवत्तेबाबत गंभीर प्रश्न उपस्थित झाले आहेत.

हा केवळ किल्ल्याचा भाग कोसळलेला नाही, तर महाराष्ट्राच्या ऐतिहासिक वारशालाच मोठा धक्का बसल्याची भावना शिवप्रेमींमध्ये व्यक्त होत आहे.