Nagpur Leopard : बिबट्याचं थेट गावातील गोठ्यात मुक्काम, वनविभागाची रेस्क्यू टीम लावाजम्यासह पोहचली; पण डार्टसाठी आणलेली औषध निघालं कालबाह्य, अन् मग पुढे....

Nagpur Leopard : गेल्या काही महिन्यांपासून अनेक भागात बिबट्याची दहशत पाहायला मिळत आहे. अशातच आता नागपूर जिल्ह्यातील देवलापार गावात जंगलातून आलेला बिबट्या थेट गावातील गोठ्यात शिरल्याची घटना घडली आहे.

Nagpur Leopard

Nagpur Leopard : गेल्या काही महिन्यांपासून अनेक भागात बिबट्याची दहशत पाहायला मिळत आहे. अशातच आता नागपूर जिल्ह्यातील देवलापार गावात जंगलातून आलेला बिबट्या थेट गावातील गोठ्यात शिरल्याची घटना घडली आहे.

देवलापार गावातील मनोज सांगाडे यांच्या घरालगत असलेल्या गोठ्यात शनिवारी सकाळी 11 च्या सुमारास बिबट्या शिरल्याने परिसरात भीतीचे वातावरण निर्माण झालं.

दरम्यान, घटनेची माहिती मिळताच बिबट्याला रेस्क्यू करण्यासाठी वनविभागाची टीम पोहचली. मात्र डार्टसाठी आणलेली औषध कालबाह्य निघाल्याने कारवाईत विलंब झाला.

दरम्यान, बिबट्याला बेशुद्ध करण्यासाठी लागणारी औषध वेळेवर उपलब्ध नव्हती, ही औषध मध्यप्रदेशातून आणावी लागली. त्यामुळे कारवाई उशिरा झाला.

या घटनेनंतर वनविभागावर स्थानिकांनी तीव्र नाराजी व्यक्त करत निष्काळजीपणाचे आरोप होत आहे.

सुदैवाने या घटनेत कोणतीही जीवितहानी झाली नाही. मात्र अशा घटनासाठी यंत्रणा सज्ज राहायला हवी, अशी मागणी नागरिकांकडून करण्यात आली आहे.

मात्र या घटनेनं वनविभागाचा भोंगळ कारभार समोर आल्याची चर्चा आता रंगू लागली आहे.