Mumbai Goa Highway Traffic : मुंबई गोवा महामार्गावर सलग दुसऱ्या दिवशी वाहतूक कोंडी; माणगाव इंदापूर शहरात वाहनांच्या लांबच लांब रांगा, प्रवाशांचा मनस्ताप

Mumbai Goa Highway Traffic : मुंबई गोवा महामार्गावर सलग दुसऱ्या दिवशी मोठी वाहतूक कोंडी झाल्याचे दिसून आलं आहे. माणगाव इंदापूर शहरात वाहनांच्या लांबचं लांब रांगा लागल्याचे चित्र आहे.

Mumbai Goa Highway Traffic

Mumbai Goa Highway Traffic : रायगड : मुंबई-पुणे एक्सप्रेस वेवरील खोपोली एक्झिट ते कुसगाव या भागात मिसिंग लिंक (Mumbai-Pune Expressway Missing Link) प्रकल्प उभारण्यात आला आहे. मुंबई-पुणे ‘मिसिंग लिंक’ या प्रकल्पामुळे घाटातील वाहतूक कोंडी मोठ्या प्रमाणावर कमी होऊन प्रवास अधिक वेगवान आणि सुरक्षित होणार असल्याचं सांगितलं जात आहे. पण दुसरीकडे पुण्यावरून मुंबईला येणारी मिसिंग लिंकची (Mumbai-Pune Expressway Missing Link) लेन सध्या बंद असल्याचं समोर आलं आहे, आणखी दोन ते तीन दिवसांनंतर ही लेन सुरू होईल अशी माहिती समोर आली आहे.

तर दुसरीकडे, मुंबई गोवा महामार्गावर सलग दुसऱ्या दिवशी मोठी वाहतूक कोंडी झाल्याचे दिसून आलं आहे.

माणगाव इंदापूर शहरात वाहनांच्या लांबचं लांब रांगा लागल्याचे चित्र आहे.

सलग तीन दिवसांच्या सुट्टीमुळे मुंबईकर कोकणवासीय आणि पर्यटक कोकणाच्या दिशेने निघाले असून वाहतूक कोंडीमुळे प्रवाशांना नाहक त्रास सहन करावा लागतो आहे.

परिणामी, माणगाव रेल्वे स्थानक ते ढालघर फाटा परिसरपर्यंत वाहनांच्या रांगा लागल्याचे चित्र आहे.

1 मे महाराष्ट्र दिन आणि शनिवार-रविवार अशा एका मागोमाग आलेल्या एक सुट्टी पाहता एक्सप्रेस हायवेवर मोठी वाहतूक कोंडी झाली आहे.