अजितदादांच्या शोकसभेत जॅकलीनची एंट्री! पांढऱ्या कपड्यांतील व्हिडिओ व्हायरल, नेटकऱ्यांच्या भुवया उंचावल्या

अजित दादांच्या अकाली निधनाने संपूर्ण महाराष्ट्रावर शोककळा पसरली आहे. त्यांच्या शोकसभेला अनेक राजकीय असामींसह अनेक कलाकारही उपस्थित होते.

Jacqueline Fernandez

महाराष्ट्राचे उपमुख्यमंत्री अजित पवार यांचा विमान अपघातात अकाली मृत्यू झाला. त्यांच्या निधनानंतर सारा महाराष्ट्र हळहळला.

अजितदादांच्या जाण्याने महाराष्ट्रावर मोठा आघात झाला. अजितदादांच्या जाण्याने महाराष्ट्राच्या राजकीय वर्तुळाला मोठा धक्का बसला असून सर्व स्तरांतून हळहळ व्यक्त केली जात आहे.

त्यांच्या आठवणींना उजाळा देण्यासाठी वरळी येथील NSCI Dome येथे मंगळवारी सायंकाळी भावनिक शोकसभा पार पडली.

या शोकसभेला अनेक बड्या राजकीय असामींसह मनोरंजनसृष्टीतील अनेक कलाकारही उपस्थित होते. अनेकांनी या शोकसभेत आपल्या अश्रूंना वाट मोकळी करून दिली.

सभागृहात वातावरण अतिशय भावूक झाले होते; अनेकांच्या डोळ्यांतून अश्रू ओघळताना दिसत होते. अजितदादांप्रती असलेला आदर आणि आपुलकी या शोकसभेत स्पष्ट जाणवत होती.

मात्र, या शोकसभेत एक उपस्थिती विशेष चर्चेचा विषय ठरली. बॉलिवूड अभिनेत्री जॅकलीन फर्नांडिस हिनेही या सभेला हजेरी लावल्याचे पाहून अनेकांच्या भुवया उंचावल्या.

गेल्यावर्षी अजितदादांचा मुलगा पार्थ पवारसोबत ती मंदिरात दिसल्याने चर्चा रंगली होती. त्यामुळे या शोकसभेतील तिची उपस्थिती सोशल मीडियावर सध्या जोरदार चर्चेत आली आहे.

दरम्यान, शोकसभेला जातानाचा जॅकलीनचा एक व्हिडिओही सध्या तुफान व्हायरल होत आहे. पांढऱ्या रंगाच्या साध्या पोशाखात, चेहऱ्यावर मास्क लावून ती शांतपणे सभास्थळी पोहोचताना दिसते.

तिचा गंभीर आणि संयमी अंदाज पाहून अनेकांनी प्रतिक्रिया व्यक्त केल्या असून या उपस्थितीमागील कारणांबाबत विविध तर्कवितर्कांना उधाण आले आहे.

अजितदादांप्रती असलेला आदर आणि आपुलकी या शोकसभेत स्पष्ट जाणवत होती.