Ajit Pawar Funeral: दादाला कडेवर घेऊन फिरायचे, अंत्यदर्शन सुरू होताच आजींनी फोडला टाहो, लाडक्या बहिणींना अश्रू अनावर

अजित पवार यांंच्या पार्थिवाला 11 वाजण्याच्या आसपास मुखाग्नी दिला जाईल. अजित पवार यांच्या जाण्याने बारामती आणि महाराष्ट्राच्या राजकारणात एक मोठी पोकळी निर्माण झाली आहे.

Ajit PAwar Funeral

राज्याचे उपमुख्यमंत्री अजित पवार यांचे बुधवारी बारामती येथे विमान कोसळून झालेल्या अपघातात निधन झाले. त्यांच्या पार्थिवावर आज विद्या प्रतिष्ठानच्या मैदानात अंत्यसंस्कार केले जाणार आहेत.

अजित पवार यांचे पार्थिव गुरुवारी सकाळी बारामती (Baramati) वैद्यकीय महाविद्यालयातून काटेवाडी येथील निवासस्थानी आणण्यात आले होते.

याठिकाणी अजित पवार यांचे पार्थिव काहीवेळासाठी अंत्यदर्शनासाठी ठेवण्यात आले होते. अजित पवार यांचे अंत्यदर्शन घ्यायला आज काटेवाडीच्या ग्रामस्थांनी निवासस्थानाबाहेर प्रचंड गर्दी केली होती.

'दादा आमच्या महाराष्ट्राचा वाघ होता. आयुष्यभर आठवण राहील. आयुष्यभर विसरणार नाही तुम्हाला' असं म्हणत लाडक्या बहिणींचा आक्रोश पाहायला मिळाला.

लहानपणपासून दादांनी आमचा सांभाळ केला. आम्ही सगळे इथेच वाढलो. आज आमचे दादा आम्हाला सोडून गेले. आयुष्यभरासाठी आम्हाला दादा पोरकं करून गेले अशा भावना बोलून दाखवताना महिलांच्या डोळ्यातील अश्रू थांबत नव्हते.

हा नियतीने महाराष्ट्रावर केलेला मोठा आघात असल्याची भावना जनमानसातून व्यक्त होताना दिसत आहे.

अजित दादांच्या अचानक जाण्याने एक आजी डोक्याला हात लावून बसल्या होत्या. लहानपणापासून अजित दादांना काड्या खांद्यावर खेळवलंय.

हा दिवस बघावा लागेल हे स्वप्नात बघितलं नव्हतं. त्या म्हणाल्या, " दादा लहान असल्यापासून त्याला अंगाखांद्यावर खेळवलं. बाहेर पडलं की दादा खांद्यावर घ्यायचे. फिरायचे.

माझ्या पोरांना दादाने कामाला लावलं. आता आम्हाला टाकून सोडून निघून गेल्याचं म्हणत आजींनी टाहो फोडला.