हिमाचलमध्ये भूस्खलन, मनाली-लेह महामार्ग बंद पावसाचा तांडव: १९ राज्यांवर पावसाची शक्यता

हिमाचलमध्ये भूस्खलन, मनाली-लेह महामार्ग बंद जम्मू काश्मीरमध्ये उपविभागीय दंडाधिकाऱ्याच्या गाडीवर दरड कोसळली, बाप लेकाचा अंत, अमरनाथ यात्राही स्थगित

SDM OFFICER CAR CRUSHED IN ACCIDENT

मान्सूनच्या पावसाने पर्वतांमध्ये आपत्ती आणली आहे. हिमाचल प्रदेशात शुक्रवारी सततच्या पावसामुळे अनेक ठिकाणी भूस्खलन झाले.

गेल्या 3 दिवसांत मुसळधार पावसामुळे 289 रस्त्यांवर वाहतूक विस्कळीत झाली आहे.

काल रात्री रियासी जिल्ह्यात उपविभागीय दंडाधिकारी (एसडीएम) यांच्या गाडीवर भूस्खलनातील दगड कोसळला.

या दुर्घटनेत एसडीएम आणि त्यांचा मुलगा यांचा मृत्यू झाला असून, पत्नी आणि इतर दोन जण जखमी झाले आहेत.

मुसळधार पावसामुळे अमरनाथ यात्रा 3 ऑगस्टपर्यंत थांबवण्यात आली आहे. पहलगाम आणि बालताल या दोन्ही मार्गांवर दुरुस्तीचे काम सुरू आहे.

काल सकाळी बालताल मार्गावरून यात्रा सुरू झाली होती, पण नंतर पावसामुळे ती स्थगित करण्यात आली.

शनिवारी 11 जिल्ह्यांतील शाळा बंद ठेवण्याचा निर्णय घेण्यात आला आहे.

हवामान खात्याने शनिवारी आसाम, मेघालय, सिक्कीम आणि पश्चिम बंगालमध्ये मुसळधार पावसाचा रेड अलर्ट, तर बिहार आणि अरुणाचल प्रदेशमध्ये ऑरेंज अलर्ट जाहीर केला आहे.

तसेच मध्य प्रदेश, राजस्थान, दिल्लीसह 19 राज्यांत हलका ते मध्यम पाऊस पडण्याची शक्यता व्यक्त करण्यात आली आहे.