मुख्यमंत्री देवेंद्र फडणवीसांकडून सतेज पाटील कुटुंबीयांचे सांत्वन; डी. वाय. दादांच्या आठवणींना दिला उजाळा

फडणवीस म्हणाले, राज्यपाल म्हणून पद्मश्री डॉ. डी. वाय. पाटील यांनी तीन राज्यांची जबाबदारी पार पाडली. त्यांच्यासारखे नेते आपल्यातून निघून जाणे ही महाराष्ट्रासाठी मोठी हानी असल्याचे त्यांनी सांगितले.

Chief Minister Devendra Fadnavis consoles Satej Patil family

मुख्यमंत्री देवेंद्र फडणवीस यांनी पद्मश्री डॉ. डी वाय पाटील यांच्या यशवंत निवासस्थानी भेट देत सतेज पाटील कुटुंबीयांचे सांत्वन केले.

यावेळी डी. वाय. पाटील ग्रुपचे अध्यक्ष संजय डी. पाटील, आमदार सतेज पाटील, माजी आमदार ऋतुराज पाटील उपस्थित होते.

शिक्षण, सहकार, उद्योग अशा प्रत्येक क्षेत्रामध्ये पद्मश्री डॉ. डी. वाय. पाटील यांनी प्रचंड मोठे कार्य उभे केले. त्यांनी सामान्य माणसाला दिलासा देण्याचे काम केल्याचे मुख्यमंत्री देवेंद्र फडणवीस म्हणाले.

सीएम फडणवीस यांनी पद्मश्री डॉ. डी. वाय. पाटील यांच्या प्रतिमेस पुष्पहार अर्पण करून भावपूर्ण श्रद्धांजली वाहिली.

फडणवीस म्हणाले, राज्यपाल म्हणून पद्मश्री डॉ. डी. वाय. पाटील यांनी तीन राज्यांची जबाबदारी पार पाडली.

Continues below advertisement

आमदार तसेच अन्य निरनिराळ्या पदांवर काम करताना प्रत्येक कामात त्यांनी आपला एक ठसा उमटवल्याचे ते म्हणाले.

ते केवळ नेते नव्हते, तर ते एक विचारवंत होते. एक कृतार्थ जीवन डी. वाय. दादा जगल्याचे त्यांनी सांगितले.

त्यांच्यासारखे नेते आपल्यातून निघून जाणे ही महाराष्ट्रासाठी मोठी हानी असल्याचे त्यांनी सांगितले.

मुख्यमंत्री देवेंद्र फडणवीस आज कोल्हापूर दौऱ्यावर आहेत.

587 कोटींच्या विविध विकासकामांचे लोकार्पण त्यांच्या होत आहे.