Karnataka News: टाके घालण्याऐवजी चक्क फेव्हिक्विकचा वापर; आरोग्य केंद्रात नर्सचा प्रताप, 7 वर्षांच्या मुलासोबत धक्कादायक प्रकार

Karnataka News: सदर घटनेची माहिती समोर आल्यानंतर एकच खळबळ उडाली.

Karnataka_News

कर्नाटकमधील धक्कादायक माहिती समोर आली आहे. सात वर्षांच्या मुलाच्या गालावर टाके घालण्याऐवजी प्राथमिक आरोग्य केंद्रातल्या नर्सने चक्क फेव्हिक्विकचा वापर केला.

कर्नाटकच्या हावेरी जिल्ह्यातल्या हनागल तालुक्यातल्या अदूर गावात ही घटना घडली. सदर घटनेची माहिती समोर आल्यानंतर एकच खळबळ उडाली.

सात वर्षांच्या गुरुकिशन अन्नप्पा होसामनी नावाचा मुलगा खेळत होता. त्या वेळी त्याला मोठी जखम झाली. त्याच्या गालाला लागलं होतं. त्या जखमेतून मोठ्या प्रमाणावर रक्तस्राव होत होता. ती जखम एवढी मोठी होती, की तिथे टाके घालावे लागणार होते. त्या मुलाचे आई-वडील त्याला प्राथमिक आरोग्य केंद्रात घेऊन गेले.

आरोग्य केंद्रातल्या ज्योती नावाच्या नर्सने मात्र धक्कादायक प्रकार केला

टाके घालण्याऐवजी नर्सने चक्क फेव्हिक्विकचा वापर केला.

सदर प्रकरणानंतर व्हिडीओ आणि फोटो व्हायरल झाले आणि नागरिकांनी एकच संताप व्यक्त केला. त्यानंतर संबंधित नर्सला निलंबित करण्याचा निर्णय घेण्यात आला.