...तर शेतकऱ्यांसाठी मोठं आंदोलन उभारू; मनोज जरागें थेट बांधावर, नुकसानग्रस्त पिकांची पाहणी, सरकारला इशारा

मराठा आरक्षण आंदोलनाचा लढा तीव्रतेने लढणारे उपोषणकर्ते मनोज जरांगे पाटील यांनी मराठवाड्यात झालेल्या मुसळधार पावसानंतर अंतरवाली भागातील अतिवृष्टीग्रस्त शेतकऱ्यांच्या शेतात जाऊन पाहणी केली.

Manoj jarange farmers agitation jalna

मराठा आरक्षण आंदोलनाचा लढा तीव्रतेने लढणारे उपोषणकर्ते मनोज जरांगे पाटील यांनी मराठवाड्यात झालेल्या मुसळधार पावसानंतर अंतरवाली भागातील अतिवृष्टीग्रस्त शेतकऱ्यांच्या शेतात जाऊन पाहणी केली.

मनोज जरांगे यांच्याकडून अतिवृष्टीची पाहणी करण्यात आली असून अंतरवली सराटी जवळील महाकाळा शिवारातील शेतकऱ्यांच्या नुकसानीची त्यांनी पाहणी केली. तसेच, सरकारला इशाराही दिला आहे.

शेतकऱ्यांना तात्काळ आधार द्या, नाहीतर शेतकऱ्यांसाठी रस्त्यावर उतरू आणि मोठ आंदोलन करू, असा इशाराच जरांगे पाटील यांनी दिला आहे.

मी मुख्यमंत्री आणि उपमुख्यमंत्री अजित पवार आणि कृषिमंत्र्यांना झालेल्या नुकसानीची माहिती सांगणार असल्याचेही त्यांनी यावेळी बोलताना म्हटले.

मनोज जरांगे यांनी आज जालन्यातील अंबड तालुक्यातल्या महाकाळ येथे अतिवृष्टीने झालेल्या नुकसानीची पाहणी केली, यावेळी शेत पिकाच्या नुकसानीचा आढावा घेतला.

आपण शेतकऱ्यांचं गाऱ्हाणं मुख्यमंत्री तसेच उपमुख्यमंत्री अजित पवार आणि कृषिमंत्र्याच्या कानावर घालणार असल्याचे त्यांनी सांगितले.

दरम्यान, शेतकऱ्यांना तात्काळ आधाराची आणि मदतीची गरज असून सरकारने दुर्लक्ष केल्यास त्यांच्यासाठी आपण रस्त्यावर उतरू आणि मोठा आंदोलन उभारू, असा इशारादेखील त्यांनी यावेळी दिलाय.