Jalgaon Accident : गुजरातहून येणाऱ्या वऱ्हाडाचा जळगावात भीषण अपघात, पाच जणांनी जागेवरच जीव सोडला, लोंढे फाट्याजवळ मृत्यूचा थरार

Jalgaon Accident : घटनास्थळी मंगरूळ ग्रामस्थांच्या वतीने मदतकार्य सुरू आहे. पोलिस आणि वैद्यकीय टीम घटनास्थळी दाखल झाली आहे.

Jalgaon Accident

जळगाव जिल्ह्यातील अमळनेर तालुक्यातील मंगरूळ येथे लोंढे फाट्याच्या जवळ भीषण अपघातात चार जणांचा जागीच मृत्यू झाल्याची माहिती आहे.

बोलेनो कार आणि मोटारसायकल यांच्यात अपघाताची घटना घडली आहे.

गुजरात राज्यातून सारखपुड्यासाठी येणाऱ्या वऱ्हाड्यांवरती काळाने घाला घातला.

घटनास्थळी मंगरूळ ग्रामस्थांच्या वतीने मदतकार्य सुरू आहे. पोलिस आणि वैद्यकीय टीम घटनास्थळी दाखल झाली आहे.

अपघातातील मृतांची अद्याप ओळख पटलेली नाही, ओळख पटवण्याचं काम सुरू आहे.

Continues below advertisement

मृतात दोन महिला,दोन पुरुष यांचा समावेश आहे. दोन जणांची प्रकृती गंभीर आहे,.

खासगी रुग्णालयात उपचार सुरू आहेत, ही घटना सकाळी आठ वाजता घडली आहे.

अमळनेर येथील अपघातात आणखी एकाचा मृत्यू झाल्याची माहिती समोर आली आहे.

या घटनेमुळे हळहळ व्यक्त होत आहे.

जळगाव जिल्ह्यातील अमळनेर तालुक्यातील मंगरूळ येथील लोंढे फाट्याजवळ बोलेनो कार आणि दुचाकीमध्ये झालेल्या भीषण अपघातात मृतांचा आकडा पाचवर पोहोचला आहे.

गुजरातमधून साखरपुड्यासाठी येणाऱ्या वऱ्हाडावर काळाने घाला घातल्याने परिसरात हळहळ व्यक्त होत असून, जखमींवर खासगी रुग्णालयात उपचार सुरू आहेत.