Republic Day 2026 : यंदा भारताचा 77 की 78 वा प्रजासत्ताक दिन? वाचा प्रजासत्ताक दिनाचे महत्त्व...

Republic Day 2026 : 26 जानेवारी रोजी भारताने संविधान स्वीकारले आणि ते भारतात लागू करण्यात आले. या दिवसाच्या औचित्याने आपण प्रत्येक वर्षी प्रजासत्ताक दिन साजरा करतो.

Republic Day 2026

26 जानेवारी प्रजासत्ताक दिन हा भारतीयांसाठी केवळ राष्ट्रीय उत्सव नाही तर प्रत्येक भारतीयांसाठी अभिमानाची बाब आहे.

प्रजासत्ताक दिन अवघ्या एक दिवसांवर येऊन ठेपला आहे. मात्र, यंदाचा प्रजासत्ताक दिन 77 वा की 78 वा याबाबत अनेकांना प्रश्न उपस्थित झाले आहेत.

तर, भारताने 26 जानेवारी 1950 ला संविधानाचा स्वीकार करुन ते संपूर्ण भारतात लागू करण्यात आले आणि आपला देश प्रजासत्ताक झाला.

त्यानंतर देशाने पहिला प्रजासत्ताक दिन हा 26 जानेवारी 1951 ला साजरा केला.

1950 ला भारताने संविधान स्वीकारले त्यामुळे भारत 77 वा प्रजासत्ताक दिन साजरा करणार आहे.

या वर्षी 26 जानेवारी 2026 ला प्रजासत्ताक दिनाच्या उत्सवाची थीम 'वंदे मातरम' आणि 'आत्मनिर्भर भारत' उपक्रमावर केंद्रित आहे, जी देशाबद्दल देशभक्ती आणि स्वावलंबनावर आधारित आहे.

प्रजासत्ताक दिनासाठी इंडिया गेटजवळील कर्तव्य पथावर एका शानदार परेडने हा दिवस साजरा केला जाईल. ही परेड देशाच्या सार्वभौमत्वाचा, लोकशाही मूल्यांचा आणि प्रगतीचा सन्मान करते.

26 जानेवारीला प्रजासत्ताक दिन साजरा केल्यानंतर 28 जानेवाली ला 'बीटिंग द रिट्रीट' या कार्यक्रमाने प्रजासत्ताक दिनाच्या (Republic Day) उत्सवाची अधिकृतरित्या सांगता करण्यात येईल.

'बीटिंग द रिट्रीट' या कार्यक्रमामध्ये भारतीय लष्कर, नौदल आणि वायुसेनेचे बँड पारंपारिक धून वाजवतात.