अग्नितांडवानंतर गोव्यातील तो नाईट क्लब जमीनदोस्त; मुख्यमंत्र्यांचा आदेश, फिरला बुलडोझर

गोव्यातील हडफडे येथील बर्च बाय रोमिओ लेन नाईट क्लबमध्ये लागलेल्या भीषण आगीच्या दुर्घटनेने गोव्यालाच नव्हे तर संपूर्ण देशाला हादरवून सोडले.

Goa romio lane club buldozer JCB

गोव्यातील हडफडे येथील 'बर्च बाय रोमिओ लेन' नाईट क्लबमध्ये लागलेल्या भीषण आगीच्या दुर्घटनेने गोव्यालाच नव्हे तर संपूर्ण देशाला हादरवून सोडले.

येथील आगीच्या दुर्घटनेत 25 नागरिकांची मृत्यू झाला होता, त्यामध्ये प्रसिद्ध डीजेंचाही मृत्यू झाल्याची घटना घडली. या दुर्घटनेनंतर गोव्याचे मुख्यमंत्री प्रमोद सावंत यांनी या बारसंदर्भात महत्वाचे आदेश दिले.

वागातोर समुद्र किनाऱ्यावरील बर्च बाय रोमिओ लेन क्लब आता, न्यायालयाने दिलेल्या आदेशानुसार जमीनदोस्त करण्यात येत आहे. मुख्यमंत्री डॉ. प्रमोद सावंत यांनी तसा आदेश दिला आहे.

मुख्यमंत्र्‍यांच्या आदेशानंतर कारवाईसाठी पर्यटन खात्याचे पथक दाखल झाले असून बुडलोझर चालवून हा बार जमीनदोस्त करण्यात सुरुवात केली आहे.

गोव्यातील बेकायदेशीर आणि सुरक्षा नियमांचे उल्लंघन करणाऱ्या आस्थापनांवर मुख्यमंत्री सावंत यांनी कठोर कारवाई करण्यात येईल असे म्हटले आहे.

गौरव लुथरा आणि सौरभ लुथरा यांच्या मालकीच्या 'रोमिओ लेन" क्लबचे बांधकाम त्वरित पाडण्याचे आदेश दिले गेले. प्रशासकीय अधिकारी आणि संबंधित पथकांनी या क्लबवर कारवाई सुरू केली आहे.

गोव्यातील अवैध बांधकामे आणि राजकीय वरदहस्ताने चालणाऱ्या आस्थापनांना आता धोक्याची घंटा आहे. मात्र, आगीच्या दुर्घटनेनंतर गोव्यातील अवैध बार आणि बांधकामांचा मुद्दा चर्चेत आला आहे.

मोठ्या पोलीस बंदोबस्तात समुद्र किनारी, बीचवर असलेल्या या क्लबचा तोडफोड करत हा जमीनदोस्त करण्यात आल्याचे फोटो व्हायरल झाले आहेत.

दरम्यान, अग्निकांड झाल्यानंतर क्लबचे दोन्ही मालक देश सोडून पसार झाले आहेत. नाइट क्लबच्या आगीत 25 नागरिकांच्या मृत्यूनंतर मालक इंडिगोच्या विमानानं रातोरात देश सोडून फरार झाल्याची माहिती आहे.