माजी झेडपी अध्यक्षांच्या 4 मजली इमारतीवर बुलडोझर; जेसीबीने जमिनदोस्त, राजकीय वर्तुळात चर्चा

न्यायालयाच्या आदेशानंतर अहेरी नगरपंचायत प्रशासनाने कारवाई करत थेट माजी जिल्हा परिषद अध्यक्षांच्या 4 मजली व्यवासायिक इमारतीवर जेसीबी अन् बुलडोझर फिरवला आहे.

Gadchiroli congress ZP building destroy

न्यायालयाच्या आदेशानंतर अहेरी नगरपंचायत प्रशासनाने कारवाई करत थेट माजी जिल्हा परिषद अध्यक्षांच्या 4 मजली व्यवासायिक इमारतीवर जेसीबी अन् बुलडोझर फिरवला आहे.

गडचिरोली माजी जिल्हा परिषद अध्यक्ष यांच्या अहेरी येथील चार मजली व्यावसायिक इमारतीवर नगरपंचायतीकडून बुलडोझर चालवण्यास सुरुवात झाली आहे.

राष्ट्रीय महामार्गाच्या कडेला बांधण्यात आलेल्या या चार मजली व्यावसायिक इमारतीसाठी नगरपंचायतीची परवानगी नसल्याने नगरपंचायतीने अनेकदा माजी जिल्हा परिषद अध्यक्ष अजय कंकडालवार यांना नोटीस बजावली होती.

अजय कंकडालवार या नोटीसविरोधात न्यायालयात गेले. मात्र, अहेरी न्यायालयाने दोनदा संबंधित इमारत पाडण्याचे आदेश दिले. या निर्णयाला अतिरिक्त जिल्हा सत्र न्यायालयाने स्थगिती दिली होती.

या काळात उच्च न्यायालयात दाद मागण्याची मुभा अजय कंकडालवार यांना देण्यात आली होती. मात्र, अजय कंकडालवार उच्च न्यायालयात गेले नाही.

अहेरी न्यायालयाच्या निर्णयानुसार नगरपंचायत प्रशासनाने आज इमारतीवर बुलडोजर चालवला आहे. इमारत पाडण्याचे काम सुरू असताना मोठा पोलीस बंदोबस्त लावण्यात आला होता.

दरम्यान, अजय कंकडालवार हे काँग्रेस पक्षाचे नेते असून काँग्रेसचे नेते म्हणूनच त्यांनी गडचिरोलीचे जिल्हा परिषद अध्यक्षपद भूषवले होते.

या कारवाईमुळे गडचिरोलीच्या राजकीय वर्तुळात विविध चर्चा रंगल्या असून राजकीय हेतुपुरस्कृत ताडडीने ही कारवाई करण्यात आल्याची चर्चा होत आहे.