नक्षल्यांच्या मुळावर घाव; माओवाद्यांच्या दहशतीचे प्रतिक , 44 स्मारके भुईसपाट, सीआरपीएफने चालवला बुलडोझर

माओवाद्यांच्या दहशतीचे प्रतीक असलेली गडचिरोली जिल्हाभरातील 44 माओवादी स्मारके गडचिरोली पोलीस दल व सीआरपीएफ कडून एकाच दिवसात उध्वस्त करण्यात आली आहेत.

Devendra Fadnavis on naxal symbole gadchiroli

माओवाद्यांच्या दहशतीचे प्रतीक असलेली गडचिरोली जिल्हाभरातील 44 माओवादी स्मारके गडचिरोली पोलीस दल व सीआरपीएफ कडून एकाच दिवसात उध्वस्त करण्यात आली आहेत.

सुरक्षा जवानांकडून राबविण्यात आलेल्या या मोहिमेत गडचिरोली पोलिसांचे सी-60 पथकासह सीआरपीएफ व जिल्हा पोलीस दलाचे 18 पथकातील सुमारे 800 जवान सहभागी झाले होते.

नक्षलवाद्यांसाठी प्रेरणास्थान आणि त्यांच्या दहशतीचे प्रतिक असलेली एकूण 44 माओवादी स्मारके या अभियानातून एकाच दिवसात नष्ट करण्यात आली. गडचिरोली जिल्ह्रातील माओवाद्यांच्या दहशतीचे शिल्लक उरलेले हे शेवटचे प्रतीकही नष्ट झाले आहे.

जनतेच्या मनात दहशत निर्माण करण्यासाठी आणि आपले अस्तित्व दाखविण्यासाठी माओवाद्यांकडून अतिदुर्गम भागांमध्ये माओवादी स्मारकांची निर्मिती केली जात होती.

गेल्या काळात गडचिरोली पोलीस दलाकडून राबविल्या जाणा­या प्रभावी माओवादविरोधी अभियानांमुळे जिल्ह्रातील माओवादी चळवळ जवळजवळ संपूष्टात आली आहे. त्यामुळे, सामान्य नागरीकांच्या मनात माओवाद्यांची असलेली भिती कमी होताना दिसून येत आहे.

गडचिरोली पोलीस दलाकडून माओवाद्यांच्या दहशतीचे प्रतीक असलेले जिल्हाभरातील एकूण 44 माओवादी स्मारके 18 फेब्रुवारी रोजी नष्ट करण्यात आले आहेत.

मु्ख्यमंत्री देवेंद्र फडणवीस यांनी सुरक्षा जवानांच्या या कारवाईचं कौतुक करत, नक्षलवाद्यांच्या मुळावरच घाव घालण्यात आल्याचे म्हटले. शांती, विकासाचा मार्ग आणि जनतेच्या सेवेत येथील सुरक्षा जवान दक्ष आहेत, असेही फडणवीसांनी म्हटले.