Diwali 2025 : भिवंडीत छत्रपती शिवाजी महाराजांच्या मंदिरात पहिला दिवा लावून मोठ्या उत्साहात दिवाळीची सुरुवात...

Diwali 2025 : भिवंडीत छत्रपती शिवाजी महाराजांच्या मंदिरात पाच हजार दिव्यांनी छत्रपतींचे‌ मंदिर उजळून निघाले.

Diwali 2025

छत्रपतींच्या नावाची शेकडो‌ दिव्यांची भव्य दिव्य रांगोळी काढण्यात आली.

भिवंडीतील मराडेपाडा श्री छत्रपती शिवाजी महाराज मंदिर शक्तिपीठ शिवक्षेत्र येथे दिवाळी पहिल्या दिवशी पहिला दिवा श्री छत्रपती शिवाजी महाराजांना लावण्यात आला.‌

शिवक्रांती प्रतिष्ठानचे अध्यक्ष राजूभाऊ चौधरी आणि मार्गदर्शक हभप कैलास महाराज निचिते यांनी उपस्थित शिवभक्तांना मार्गदर्शन आणि दिवाळीच्या शुभेच्छा दिल्या.

शेकडो दिव्यांनी छत्रपतींच्या नावाची रांगोळी काढली.

हे दिव्यांनी उजळून निघालेले दृश्य उपस्थितांच्या डोळ्यांचे पारणे फेडण्या जोगेचं होते.

यावेळी उपस्थित शिवभक्तांनी शिवगर्जना देत असतांना मंदिर दणाणून गेले होते.