केंद्रीय मंत्री प्रतापराव जाधवांना नागपूरला सोडून परत निघाले, समृद्धीवर भीषण अपघात, घटनेत तिघे जखमी, कारचं मोठं नुकसान

Accident News : केंद्रीय मंत्री प्रतापराव जाधव यांना नागपूरला सोडल्यानंतर त्यांचा कार चालक, अंगरक्षक आणि सहकारी मेहकरला परत येत होते. त्यावेळी अपघात झाला.

प्रतापराव जाधव यांच्या कारचा अपघात

केंद्रीय आरोग्य राज्यमंत्री प्रतापराव जाधव यांच्या कारला काल रात्री समृद्धी महामार्गावर वाशिम जिल्ह्यातील मालेगाव नजीक भीषण अपघात झाला.

केंद्रीय मंत्री प्रतापराव जाधव यांना नागपूर विमानतळावर पोहोचविल्यानंतर हे तिघे मेहकर कडे परत येत असताना रात्री उशिरा हा अपघात झाला.

या अपघातात कारमधून प्रवास करत असलेले मंत्री प्रतापराव जाधव यांचे अंगरक्षक, त्यांचे सहकारी व कारचालक असे तिघे गंभीर जखमी झाले.

गंभीर जखमींना वाशिम येथील एका खाजगी रुग्णालयात दाखल करण्यात आलं आहे व त्यांच्यावर उपचार सुरू आहेत.

रात्री उशिरा अपघात घडल्याने याबद्दलची माहिती मंत्री प्रतापराव जाधव यांना आज दुपारी देण्यात आली.