Bhiwandi Fire Accident : भिवंडीत पुन्हा अग्नितांडव! 22 गोदाम आगीच्या भक्षस्थानी; आग विझविण्याचे शर्थीचे चे प्रयत्न सुरू

Bhiwandi Fire Accident : भिवंडी परिसरात पुन्हा आगीची घटना घडली असून या अग्नि तांडवात जवळ जवळ 22 गोदाम आगीच्या भक्षस्थानी येत जळून खाक झाले आहे.

Bhiwandi Fire Accident

भिवंडी परिसरात पुन्हा आगीची घटना घडली असून या अग्नि तांडवात जवळ जवळ 22 गोदाम आगीच्या भक्षस्थानी येत जळून खाक झाले आहे.

भिवंडी तालुक्यातील वडपे गावच्या हद्दीत रिचलेंड कंपाऊंड परिसरात ही भीषण आगीची घटना घडली आहे.

या आगीत आतापर्यंत पाच मोठ्या कंपनी आणि मंडप डेकोरेशनच्या गोदामाला भीषण आग लागली आहे. तर या आगीत या कंपन्यांचे 22 गोदाम जळून खाक झाले असल्याची माहिती समोर आली आहे.

यामध्ये, 1) केके इंडिया पेट्रोलियम स्पेसियालिटीज प्रा . लि., 2) कॅनन इंडिया प्रा . लि. कंपनी , 3) ब्राईट लाईफकेअर प्रा . लि. कंपनी , 4) होलीसोल प्रा . लि. कंपनी, 5) एबॉट हेल्थकेअर प्रा . लि. कंपनी, 6) डेकोरेशन साहित्याचे मोठे गोदाम, इत्यादीचा समावेश आहे.

या गोदामात मोठ्या प्रमाणात केमिकल, प्रिंटिंग मशीन इलेक्ट्रॉनिक सामान, आरोग्य संबंधित प्रोटीन खाद्यपदार्थ पावडर , कॉस्मेटिक साहित्य, कपडे, बूट, मंडप डेकोरेशन साहित्य व फर्निचर साठवण्यात आले होते.

सध्या आगीवर नियंत्रण मिळवण्यासाठी अग्निशमन दलाच्या भिवंडी कल्याण येथील चार गाड्या दाखल झाल्या असून आग विझविण्याचे शर्थीचे प्रयत्न सुरू आहे.