Barshi News : बार्शीतील 10 जलतरणपटूंचा विश्वविक्रम; अवघ्या 9 ते 14 वयोगटातील चिमुकल्यांनी समुद्रात पोहत पार केलं भारत ते श्रीलंका अंतर

Barshi News : बार्शीतील 10 जलतरणपटूंनी श्रीलंका ते भारत असा समुद्रमार्गे पोहण्याचा अनोखा विक्रम केला आहे. अवघ्या 9 ते 14 वयोगटातील चिमुकल्यांनी समुद्रात पोहत भारत ते श्रीलंका अंतर पार केल आहे.

Barshi News

बार्शीतील 10 जलतरणपटूंनी श्रीलंका ते भारत असा समुद्रमार्गे पोहण्याचा अनोखा विक्रम केला आहे.

श्रीलंका ते भारत दरम्यान असलेल्या रामसेतूच्या मार्गाने पोहत हा विक्रम त्यांनी केलाय.

विशेष म्हणजे सर्व जलतरणपटू हे अवघ्या 9 ते 14 वयोगटातील आहेत. या विश्वविक्रमावेळी ताशी 40 किमी वेगाने वारे वाहत होते.

मात्र अशा परिस्थितीत या मुलांनी न डागमगत आपला विक्रम पूर्ण केलाय.

यामध्ये 9 वर्षीय तन्वी प्रदीप नवले हिने सोलो प्रकारातून यंगेस्ट स्विमर होण्याचा मान मिळवला आहे. तर या विक्रमात 6 मुले आणि 4 मुलींनी सहभाग घेतला होता.

या सर्व जलतरणपटूना कोच बाळराजे पिंगळे यांनी प्रशिक्षित केले आहे. भारतात पोहोचल्यानंतर इंडियन नेव्ही पोस्टगार्ड यांच्याकडून सर्व जलतरणपटूंचा सन्मान करण्यात आला आहे.