Akola News: अकोल्यातील अंडरपासचं तळ्यात रूपांतर; महिला कपडे धुवू लागले, साचलेलं पाणी घरीही नेले!

Akola News: अकोल्यात उभारण्यात आलेल्या भूमिगत अंडरपासचं आता तळ्यात रूपांतर झालंय.

Akola News

नद्या, नाले, तळे किंवा सरोवरं ही निसर्गतः तयार झालीयेत. मात्र अकोल्यात उभारण्यात आलेल्या भूमिगत अंडरपासचं आता तळ्यात रूपांतर झालंय.

अकोला बस स्थानक चौकातल्या अंडरपासमध्ये साचलेलं पाणी आता नागरिक वापरासाठी घरी न्यायला लागलेयेत.

महिला येथे कपडे धुण्यासाठी सुद्धा येतात. तर बच्चे कंपनी येथे पोहण्याचा आनंद लुटतांना दिसून येतायेत.

अकोल्यातील वाहतुकीवरचा ताण कमी करण्यासाठी बस स्थानक चौकात अंडरपास उभारण्यात आलंय.

टॉवर चौक ते गांधी रोडवरच्या निशान टॉवरपर्यंत हा अंडरपास करण्यात आलंय. मात्र, उभारणीच्या तीन वर्षापासून हा अंडरपास वाहतुकीसाठी फार कमी काळ सुरू होता.

Continues below advertisement

अंडरपासमधून पाण्याचा निचरा करणारी यंत्रणाच कुचकामी ठरली आहे. त्यामुळे या अंडरपासच्या उभारणीत मोठा घोटाळा झाल्याची भावना अकोलेकरांमध्ये आहे.