Women Sleep Needs : महिलांना अधिक झोपेची आवश्यकता का भासते? अभ्यासातून समोर आलं खरं कारण!

Women Sleep Needs : महिलांना पुरुषांपेक्षा थोडी अधिक झोप आवश्यक असते कारण त्यांच्या शरीरात वारंवार होणारे हार्मोनल बदल आणि जबाबदाऱ्या अधिक विश्रांतीची गरज निर्माण करतात.

Women Sleep Needs

आपल्या शरीरासाठी नियमित पुरेशी झोप घेणं अत्यंत आवश्यक गोष्ट आहे. जर झोप नीट झाली नाही, तर थकवा, चिडचिड आणि एकाग्रतेचा अभाव जाणवतो. त्यामुळे रोज पुरेशी झोप घेणं खूप गरजेचं आहे.

अनेक संशोधनांनुसार, महिलांना पुरुषांपेक्षा जास्त झोपेची गरज असते. महिला सरासरी पुरुषांपेक्षा 10 ते 15 मिनिटं जास्त झोप घेतात.

याचं कारण म्हणजे महिलांच्या शरीरात हार्मोनल बदल वारंवार होतात. मासिक पाळी, गर्भधारणा आणि मोनोपॉजमुळे झोपेचा पॅटर्न बदलतो आणि शरीराला अधिक विश्रांतीची गरज भासते.

महिला घरातील कामाबरोबरच ऑफिसचं कामदेखील करतात त्यामुळे त्यांना पूर्ण ताजेतवाने वाटण्यासाठी थोडी जास्त झोप आवश्यक असते.

महिलांवर घरातील, कामाच्या आणि कुटुंबातील जबाबदाऱ्या जास्त असतात. या सततच्या कामामुळे मेंदू थकतो आणि विश्रांतीची गरज वाढते.

Continues below advertisement

तज्ञ सांगतात की, झोप शरीराचं रिचार्ज बटण आहे. पुरेशी झोप घेतल्याने मूड चांगला राहतो, एकाग्रता वाढते आणि आरोग्य चांगलं राहतं.

यासाठीच महिलांनी झोपेला दुर्लक्षित करू नये. नियमित वेळेवर झोप आणि पुरेशी विश्रांती हे आरोग्यासाठी सर्वोत्तम पर्याय आहेत.

थोडक्यात सांगायचं तर, महिलांना पुरुषांपेक्षा थोडी जास्त झोप आवश्यक असते. आणि प्रत्येक महिलांनी त्यासाठी वेळ काढायलाच हवा.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)