Weak Nerves : हिवाळ्यात नसा कमकुवत होतायत? रोजच्या आहारात घ्या 'ही' फळं!

Weak Nerves : हिवाळ्यात नसांमध्ये येणारी कमजोरी दूर करण्यासाठी डाळिंब, बीट, ड्रायफ्रूटस, फॅटी फिश आणि ग्रीन टीचा आहारात समावेश करा.

Weak Nerves :

हिवाळ्यात अनेकदा आपली हाडं, नसा कमकुवत होतात. अशा वेळी शरीरात थंडपणा जाणवतो आणि हातपाय गळून निघाल्यासारखे वाटतात.

कधी कधी एखादी वस्तू हाताने उचलताना हातात शक्तीच नाही असं वाटतं. यामागचं मुख्य कारण म्हणजे शरीरातील काही पोषक तत्वांची कमतरता.

व्हिटॅमिन B12 आणि लोहाची कमतरता असल्यास नसांवर परिणाम होऊ शकतो. आपल्या शरीरात अंदाजे 16 हजार किलोमीटर लांबीच्या नसांचा जाळा असतो.

या नसांद्वारे मेंदूपासून शरीराच्या प्रत्येक भागाला सिग्नल पाठवले जातात. जेव्हा या नसांमध्ये कमजोरी येते, तेव्हा शरीराला सिग्नल नीट पोहोचत नाहीत.

यामुळे शरीराच्या काही भागांमध्ये ताकद आणि हालचाल कमी होऊ शकते. नसांना पुन्हा बळकटी देण्यासाठी योग्य आहार घेणं खूप गरजेचं आहे.

Continues below advertisement

डाळिंब हे कमकुवत नसांमध्ये नवीन ऊर्जा आणण्यासाठी उपयुक्त फळ आहे. डाळिंबात असलेले अँटिऑक्सिडंट्स आणि सूज कमी करणारे घटक नसांना मजबूत करण्यास मदत करतात.

बीट हे हिवाळ्यातील खूप फायदेशीर फळ आहे. कारण बीट मेंदू आणि नसांमध्ये रक्तप्रवाह वाढवण्यास आणि त्यांना पोषण देण्यास मदत करतं.

ड्रायफ्रूटस आणि बियांमध्ये आवश्यक व्हिटॅमिन्स भरपूर प्रमाणात आढळतात. या पदार्थांमधील असलेले व्हिटॅमिन E आणि B12 नसांना पुन्हा कार्यक्षम बनवतात.

फॅटी फिश म्हणजेच तेलकट मासे जसे सॅल्मन, टूना आणि सार्डिन हे नसांच्या आरोग्यासाठी खूप फायदेशीर आहेत.

या माशांमध्ये असलेले ओमेगा-3 फॅटी ऍसिड नसांचे संरक्षण करण्यास मदत करतात.

ग्रीन टी पिणेही हिवाळ्यात फायदेशीर ठरतं, कारण त्यात असलेले फ्लेव्होनॉईड्स नसांना नवीन ऊर्जा देतात आणि त्यांची ताकद वाढवण्यास मदत करतात.

(टीप: वरील सर्व माहिती केवळ माहितीपुरती असून, एबीपी माझा यामध्ये कोणताही दावा करत नाही).