Valentine Week 2026 : गुलाबी थंडी आणि प्रेमाचा आठवडा! 'रोझ डे' पासून होणार व्हॅलेंटाईन विकची सुरुवात

Valentine Week 2026 : व्हॅलेंटाईन वीक हा आपल्या मनातील आपल्या पार्टनर बद्दलच्या भावना प्रत्यक्षात व्यक्त करण्याचा हा आठवडा असतो. यावर्षी व्हॅलेंटाईन डे चा आठवडा कसा असणार आहे ते जाणून घेऊयात.

Valentine Week 2026

व्हॅलेंटाईन वीक प्रेमी जोडप्यांचा उत्सवाचा आठवडा असतो. आपल्या मनातील आपल्या पार्टनर बद्दलच्या भावना प्रत्यक्षात व्यक्त करण्याचा हा आठवडा असतो.

खरंतर प्रेमासाठी काही एक दिवस पुरेसा नव्हे. पण, गुलाबी फुलं, चॉकलेट्स, आकर्षक गिफ्ट्सद्वारे नातेसंबंध घट्ट करण्याची संधी या आठवड्याच्या माध्यमातून आपल्याला मिळते.

दरवर्षी व्हॅलेंटाईन विक 7 फेब्रुवारी ते 14 फेब्रुवारी या दरम्यान साजरा केला जातो. या वर्षी कोणता डे कोणत्या तारखेला आहे हे जाणून घेऊयात.

रोझ डे 7 फेब्रुवारी शनिवारी : आपल्या पार्टनरला लाल गुलाब देऊन शब्दांविना तुमच्या भावना व्यक्त केल्या जातात आणि प्रेम व्यक्त करण्याचा हा मार्ग आहे.

प्रपोस डे 8 फेब्रुवारी रविवार : मनातल्या भावना शब्दांद्वारे सांगण्याची सुवर्णसंधी. या दिवशी प्रेमाची कबुली देऊन तुमच्या नात्याला नाव देता येते.

चॉकलेट डे 9 फेब्रुवारी सोमवार : नात्यातला गोडवा असणं तर महत्त्वाचं आहे, त्यासाठी आवडत्या व्यक्तीला चॉकलेट देऊन नात्यातील गोडवा वाढवला जातो.

टेडी डे 10 फेब्रुवारी मंगळवार : आपल्या पार्टनरसाठी आपलं किती प्रेम आणि जिव्हाळा आहे हे सांगण्यासाठी त्यांना टेडी दिला जातो, ज्यामुळे तुम्ही त्यांच्या आजूबाजूला आहात असं त्यांना वाटतं.

प्रॉमिस डे 11 फेब्रुवारी बुधवार : हा दिवस असतो वचन देण्याचा आणि घेण्याचा. या दिवशी दोघांतील नातं घट्ट करण्याचं आणि नेहमी एकमेकांबरोबर राहण्याचं वचन दिलं जातं.

हग डे 12 फेब्रुवारी गुरुवार : भावना शब्दांविना व्यक्त करण्यासाठी एक मिठीही पुरेशी असते.

व्हॅलेंटाईन डे 14 फेब्रुवारी शनिवार : हा दिवस या आठवड्यातील शेवटचा दिवस असतो. त्यामुळे तुमच्या पार्टनरला आकर्षक गिफ्ट द्या आणि सरप्राईज द्या.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)