Overuse of Antibiotics : अँटिबायोटिकचा अतिरेक? सावध राहा, होऊ शकतात 'हे' गंभीर आजार!

Overuse of Antibiotics : अँटिबायोटिकचा चुकीचा वापर भविष्यात गंभीर आरोग्य संकटाचे कारण ठरू शकतो.

Overuse of Antibiotics

अँटिबायोटिक औषधांचा वापर आजकाल खूप सामान्य झाला आहे. सर्दी, खोकला, ताप किंवा डोकेदुखी झाली की अनेक लोकं स्वतःहून औषध घेतात. पण अशा सवयीमुळे शरीरावर उलटा परिणाम होऊ शकतो.

जागतिक आरोग्य संघटनेच्या अहवालानुसार 2023 मध्ये अनेक जीवाणू संसर्गांवर अँटिबायोटिक औषधे काम करत नाहीत. याचा अर्थ असा की काही संसर्गांवर साधी औषधे उपयोगी ठरत नाहीत.

डॉक्टरांचा सल्ला न घेता औषध घेणं तुमच्या शरीरासाठी घातक ठरू शकतं. अँटिबायोटिकचा वारंवार वापर केल्याने शरीरात प्रतिरोधक जीवाणू तयार होऊ शकतात.

या स्थितीला अँटिबायोटिक रेसिस्टन्स असे म्हणतात. भविष्यात ही एक गंभीर आरोग्य समस्या होऊ शकते.

मूत्रमार्ग आणि रक्तप्रवाहातील संसर्गांमध्ये ही समस्या जास्त दिसून येतात. भारत आणि दक्षिण-पूर्व आशियात ही समस्या सर्वाधिक आहे.

Continues below advertisement

भारतामध्ये अनेक संसर्ग अँटिबायोटिकला प्रतिसाद देत नाहीत. यामुळे आजार बरे होण्यास जास्त वेळ लागतो.

लोक औषधांचा कोर्स अर्धवट ठेवतात, त्यामुळे जीवाणू पूर्ण नष्ट होत नाहीत. अशा जीवाणूंवर पुढची औषधे परिणाम करत नाहीत.

यामुळे साधे आजारही गंभीर होऊ शकतात. रुग्णांना जास्त दिवस रुग्णालयात राहावे लागते. उपचाराचा खर्चही वाढतो.

अँटिबायोटिक औषधे फक्त डॉक्टरांच्या सल्ल्यानेच घ्यावीत. डॉक्टरांनी दिलेला कोर्स पूर्ण करावा.

औषधे कोणाशीही शेअर करू नयेत. स्वच्छता राखून आणि संसर्गापासून बचाव करून आपण ही समस्या टाळू शकतो.

(टीप: वरील सर्व माहिती केवळ माहितीपुरती असून, एबीपी माझा यामध्ये कोणताही दावा करत नाही).