Food Awareness : शाकाहारी समजून खाताय? जरा थांबा! दिसायला व्हेज पण खरं तर नॉन-व्हेज!

Food Awareness : दिसायला शाकाहारी वाटणाऱ्या अनेक पदार्थांमध्ये लपलेले मांसाहारी घटक असतात, त्यामुळे खाण्यापूर्वी लेबल नेहमी तपासा.

Food Awareness

आजकाल बाजारात अनेक पदार्थ शाकाहारी म्हणून विकले जातात, पण प्रत्यक्षात त्यांच्या तयारीत मांसाहारी घटक वापरलेले असतात. त्यामुळे हे पदार्थ दिसायला शाकाहारी असले तरी खरेतर तसे नसतात.

बऱ्याच लोकांना वाटतं की बाजारातील सगळे व्हेज पदार्थ पूर्णपणे शाकाहारी असतात, पण हे नेहमीच खरं नसतं. अनेक पदार्थांमध्ये लपलेले मांसाहारी घटक असतात जे लगेच लक्षात येत नाहीत.

हिवाळ्यात लोकांना भाज्यांचे सूप पिणं आवडतं. पण हे माहीत आहे का की काही सूपमध्ये चव वाढवण्यासाठी चिकन ब्रोथ वापरला जातो? त्यामुळे ते सूप मांसाहारी ठरते.

चिकन ब्रोथ सूपला घट्टपणा आणि खास स्वाद देतो, पण तो प्राण्यांपासून मिळवला जात असल्यामुळे तो शाकाहारी नाही. त्यामुळे सूप मागवताना नेहमी विचारून घ्या की ते खरंच व्हेज आहे का.

अनेकांना गोड पदार्थ आवडतात, विशेषत मार्शमॅलो. पण मार्शमॅलोमध्ये एरेटर नावाचा घटक असतो, जो जिलेटिन असतो आणि जिलेटिन प्राण्यांच्या हाडांपासून बनतो.

Continues below advertisement

जेली टॉफीमध्येही जिलेटिन वापरले जाते. त्यामुळे दिसायला रंगीत वाटणारी जेली प्रत्यक्षात मांसाहारी ठरते.

काही कंपन्या मात्र पूर्णपणे शाकाहारी जेली बनवतात, पण त्या ओळखण्यासाठी नेहमी लेबल नीट वाचणं गरजेचं असतं.

म्हणून अशा पदार्थांना शाकाहारी समजून खाताना खबरदारी घेणं आवश्यक आहे, कारण त्यांच्या घटकांमध्ये मांसाहारी पदार्थ मिसळलेले असू शकतात.

काहीही खरेदी करताना किंवा खाण्यापूर्वी नेहमी लेबल तपासा आणि खात्री करा की तो पदार्थ खरंच शुद्ध शाकाहारी आहे की नाही.

(टीप: वरील सर्व माहिती केवळ माहितीपुरती असून, एबीपी माझा यामध्ये कोणताही दावा करत नाही).