Sleep Routine For Hair : झोप कमी घेताय? सावध रहा, यामुळे केस गळती वाढू शकते!

Sleep Routine For Hair : अपुर्‍या झोपेमुळे शरीरात ताण वाढतो, रक्तपुरवठा कमी होतो, त्यामुळे केसांची मुळे कमकुवत होतात आणि केस गळू लागतात.

Sleep routine for hair

आजच्या धावपळीच्या जीवनात ताण आणि मोबाईलमुळे झोप कमी होते. झोपेअभावी फक्त थकवा नाही, तर शरीर आणि मनावरही परिणाम होतो.

जर तुम्ही पुरेशी झोप घेतली नाही, तर केस गळू लागतात. तज्ञ सांगतात, चांगली झोप शरीरासोबतच केसही मजबूत ठेवते. चला जाणून घेऊया झोपेअभावी केस गळण्याचं कारण काय असतं.

केसांना पोषण आणि विश्रांती झोपेमधून मिळते. गाढ झोप घेतल्यावर शरीर दुरुस्तीच्या स्थितीत जातं, त्यामुळे केसांची मुळे मजबूत होतात. झोप कमी झाली तर मुळे कमकुवत होतात आणि केस गळतात.

झोपेअभावी शरीरात ताण वाढतो. त्यामुळे कोर्टिसोल हार्मोन वाढतो आणि केसांच्या मुळांपर्यंत रक्तपुरवठा कमी होतो. यामुळे केस गळण्याची समस्या वाढते.

झोप कमी झाल्याने टाळू कोरडी किंवा तेलकट होते. त्यामुळे कोंडा, खाज आणि जळजळ होते, आणि मुळे कमकुवत होतात.

Continues below advertisement

दररोज 7- 8 तास झोप घेणं गरजेचं आहे. नियमित झोप आणि ठरलेली दिनचर्या केस आणि शरीर दोन्हींसाठी चांगली असते.

झोपण्यापूर्वी मोबाईलपासून दूर राहा, हलकं जेवण करा आणि ध्यान योग करा. पुरेशी झोप घेतल्याने केस मजबूत राहतात आणि चेहरा ताजातवाना दिसतो.

(टीप: वरील सर्व माहिती केवळ माहितीपुरती असून, एबीपी माझा यामध्ये कोणताही दावा करत नाही).