Health Tips : थंडीमध्ये वाढणारा बॅड कोलेस्ट्रॉल देतो हार्ट फेलिअरचे संकेत; धोका टाळण्यासाठी 'या' टिप्स फॉलो करा

Health Tips : थंडीमध्ये वाढता कोलेस्ट्रॉल नियंत्रित ठेवण्यासाठी आहारात हिरव्या भाज्या तसेच फळं खाणं आरोग्यासाठी खूप फायदेशीर ठरतं.

Health Tips

हिवाळ्यामध्ये बदलते वातावरण आणि आपल्या खानपानामुळे बॅड कोलेस्ट्रॉलची समस्या वाढते. लोक थंडीमध्ये कमी पाणी पितात, घी, बटर इ. सारखे पदार्थांचे सेवा अधिक प्रमाणात करतात. आणि याचा परिणाम थेट आपल्या हृदयावर पडतो आणि हार्ट फेलिअरचा त्रास होऊ शकतो.

हिरवी मेथी : मेथी मुळतः गरम असल्याने थंडीमध्ये मेथीचे सेवन करणे नेहमी फायद्याचे ठरते . मेथी ही पौष्टिक पालेभाजी आहे यात सोल्युबल फायबर असते, जे बॅड कोलेस्ट्रॉल संपवण्यास मदत करते. तसेच रक्तातील साखरेचे प्रमाण नियंत्रित ठेवते.

कांद्याची पात : कांद्याच्या पातीप्रमाणे दिसणारी ही भाजीसुद्धा थंडीत शरीरातील बॅड कोलेस्ट्रॉल कमी करण्यास मदत करते आणि हार्ट अटॅकचे प्रमाण कमी करते. या भाजीमध्ये अँटिऑक्सिडंट आणि सल्फर कंपाऊंड भरपूर प्रमाणात असते.

पालक : पालकमध्ये लोहाचे प्रमाण अधिक असते. पालकचे सेवन आहारात नक्की करावा. यामुळे बॅड कोलेस्ट्रॉल नियंत्रित राहतो. तसेच, पालकांमध्ये ए, सी आणि के असते.

ब्रोकोली : यात प्रथिने (Protein), फायबर, झिंक, कॅल्शियम, आणि जीवनसत्त्वे A, C, K मुबलक प्रमाणात असतात. ब्रोकोली बॅड कोलेस्ट्रॉल तर कमी करते पण रोगप्रतिकारशक्ती वाढवण्याससुद्धा मदत करते.

आवळा : आवळा हे जरी एक फळ असले तरी याचा फायदा खूप मोठा आहे. आवळ्यात व्हिटॅमिन सी आणि पॉलिफेनॉल्स असतात जे बॅड कोलेस्ट्रॉल ला वाढण्यापासून रोखतात.

गाजर : हिवाळ्यात गाजर सर्रास मिळते आणि ते थंडीतून आरोग्यासाठी उत्तम मानले जाते. गाजरात विरघळणारे फायबर्स असतात जे बॅड कोलेस्ट्रॉल कमी करण्यास मदत करतात.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)