चपाती भाजी खाल्ल्याने शुगर वाढते? मधुमेही रुग्णांनी 'ही' काळजी घ्या

भारतीय अन्न परंपरेत प्रेम असले तरी, मधुमेह नियंत्रणासाठी संतुलित आहार, जसे की २ चपात्या, भाज्या, डाळ, थोडे दही, कमी साखर व प्रक्रिया केलेले अन्न टाळणे, आणि नियमित चालणे महत्त्वाचे आहे.

chapati bhaji

बहुतेक भारतीय घरांमध्ये, अन्न हे केवळ पोट भरण्याचे साधन नाही तर ते परंपरा आणि प्रेमाचं प्रतीक आहे.

पण, आजकाल दिवसेंदिवस डायबेटीसचं प्रमाण वाढत असल्यामुळे लोकांना असा प्रश्न पडतोय की चपाती-भाजी खाल्ल्यानेसुद्धा शुगर वाढते का?

काही लोक फक्त ओट्स आणि डाळी खातात. भात खाणं शक्यतो टाळतात. पण हे पुरेसे आहे का? चपाती-भाजी खाल्ल्याने साखर वाढते का, चला जाणून घेऊया .

भारतीय जेवण हे साधं दिसत असलं तरी त्यात कार्बोहायड्रेट जास्त प्रमाणात असतात. भात, पोळी, भाज्या आणि चहात साखरेचं प्रमाण जास्त असतं.

ही समस्या खेड्यांपेक्षा शहरांमध्ये जास्त आढळते. कारण शहरातील लाईफस्टाईल ही बैठी असल्यामुळे येथील लोकांना लठ्ठपणासारख्या समस्या उद्भवतात.

खरंतर, चपाती -भाजीसुद्धा आपली शुगर लेव्हल वाढवू शकते. पण, जर तुम्ही संतुलित आहार जसे की, 2 चपात्या, डाळ, भाज्या आणि थोडं दही खाल्ल्यास हे प्रमाण नियंत्रित राहू शकते.

त्याचबरोबर बाजरी, ज्वारी आणि व्हिटॅमिन्स, प्रोटीन्स तसेच, मल्टीग्रेन पीठ वापरल्यास हे प्रमाण नियंत्रित ठेवता येते.

ताण किंवा जास्त प्रक्रिया केलेले अन्न खाल्ल्याने आतड्यांचे संतुलन बिघडते आणि साखर, पचन आणि वजनावर परिणाम होतो.

साखर नियंत्रित ठेवण्यासाठी, डायबेटीस रुग्ण सकाळी कोमट पाणी आणि भिजलेले मणुके, बदाम यांचं सेवन करु शकतात. तसेच, रात्रीच्या जेवणानंतर 10-15 मिनिटांचा वॉकही गरजेचा आहे.

तर, गोड चहा, मिठाई आणि शुगरशी संबंधित पदार्थांपासून दूरच राहा. या व्यतिरिक्त मधुमेही रुग्णांनी तणाव कमी करण्याचा देखील प्रयत्न करावा.

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )