Ganesh chaturthi 2025 : विसर्जनानंतर निर्माल्याचं काय करावं? जाणून घ्या..

गणपती मध्ये आपण बाप्पाला नैवेद्य दाखवतो छान हार-फूल घालून त्याला सजवतो त्या सर्व गोष्टींना आपण निर्माल्य असा म्हणतो... त्या निर्माल्याची व्यवस्था कुठे आणि कशी करायची हे जाणून घ्या...

Nirmalya disposal

वाहत्या पाण्यात विसर्जन : पूर्वी निर्माल्य नदी, विहीर किंवा समुद्रात टाकले जात असे. पण आता प्रदूषण टाळण्यासाठी हा पर्याय कमी वापरावा.

निर्माल्य कलश / भांडे : घरी एक मातीचे किंवा पितळेचे कलश ठेवून त्यात पाणी भरावे. रोजचे फुले (flowers), दुर्वा त्यात टाकावीत. नंतर उत्सवानंतर ते पाणी व फुले झाडाखाली किंवा पवित्र ठिकाणी विसर्जित करावीत.

घरगुती खत (कंपोस्ट) : फुले, पाने वाळवून घरच्या कंपोस्ट पिट किंवा कुंडीत टाकल्यास ते उत्तम खत बनते. झाडांना ही नैसर्गिक अर्पण आहे.

वाळवून जतन करणे : जास्वंद (hibiscus), झेंडू(indian mari gold), गुलाब(rose) ही फुले उन्हात वाळवून पावडर बनवता येतात तसेच दुर्वा व तुळस वाळवून पवित्र रोपांजवळ ठेवता येतात किंवा खतासाठी वापरता येतात.

मंदिर किंवा सोसायटीतील निर्माल्य कुंडी : काही ठिकाणी विशेष कुंडी ठेवतात, जिथे निर्माल्य जमा केले जाते. त्याचे नंतर एकत्र विसर्जन किंवा खत तयार केले जाते.

फुलांचे जतन करणे : पुस्तके(books) किंवा ब्लॉटिंग पेपरमध्ये ठेवून सुकवून आठवण म्हणून ठेवता येतात.

पोटपूरी : वाळवलेली फुले सुगंधी तेल घालून सजावटीसाठी वापरता येतात.

भस्म (राख) : वाळवलेली फुले स्वतंत्र जाळून त्याची राख तुळशीच्या झाडात टाकतात किंवा पवित्र कार्यात वापरतात.