तलवारीचा धाक अन् जीवे मारण्याची धमकी; बिग बॉसच्या घरातून हकललेली दिव्या शिंदे कोण?

Divya shinde threatening statement bigg boss marathi: टास्कदरम्यान दिव्या शिंदेने धमकी दिली. याच कारणास्तव बिग बॉसने तिला दंड देत घराबाहेर काढलं.

Who is Divya Shinde Bigg Boss Marathi

Who is Divya Shinde Bigg Boss Marathi: बिग बॉस मराठीच्या सहाव्या सिझनमध्ये हाय व्होल्टेज ड्रामा पाहायला मिळत आहे. आतापर्यंत या घरातून दोन स्पर्धकांना बाहेरचा रस्ता दाखवण्यात आलाय. नुकतंच एलिमिनेशनशिवाय इन्फ्लुएंसर दिव्या शिंदेला घराबाहेर काढण्यात आलं.

नॉमिनेशन टास्कमध्ये दिव्या शिंदेने स्पर्धकांना थेट जीवे मारण्याची धमकी दिली. याच कारणास्तव बिग बॉसने थेट तिला घराबाहेरचा रस्ता दाखवला.

तन्वीनं दिव्याला नॉमिनेट केलं होतं. यानंतर दिव्याचा प्रचंड पारा चढला. तिनं काही स्पर्धकांना थेट तलवार चालवण्याची धमकी दिली. तसेच जीवे मारण्याची धमकी दिली.

यानंतर दिव्याला चूक सुधारण्यासाठी बिग बॉसने संधीही दिली. मात्र, दिव्या आपल्या वक्तव्यावर ठाम राहिली. बिग बॉसने दंड म्हणून दिव्याला तातडीने घराबाहेर काढण्याचा निर्णय घेतला. एलिमिनेशनशिवाय घराबाहेर पडल्यामुळे दिव्या शिंदेची प्रचंड चर्चा होत आहे.

याआधी दिव्या शिंदे बऱ्याच कारणांमुळे चर्चेत आली होती. दिव्या सिंहगड कॉलेजमधील विद्यार्थी आंदोलनात सहभागी झाली होती. मेरीटमध्ये नाव आणि सर्व कागदपत्रे असूनही तिचा कॉलेजमध्ये प्रवेश नाकारल्याने दिव्यानं आंदोलन केलं होतं. तिच्या आंदोलनाला यश देखील मिळालं होतं.

Continues below advertisement

दिव्याच्या आंदोलनाची प्रसारमाध्यमांनी दखल घेतली होती. दिव्या डॉ. आंबेडकर यांच्या विचारांची असून, ती एक प्रसिद्ध सोशल मीडिया इन्फ्लुएंसर देखील आहे. तिनं आतापर्यंत अनेक चळवळींमध्ये सहभाग घेत, खास विद्यार्थ्यांसाठी आवाज उठवलाय.

दिव्या शिंदे आपल्या भाषणातून विचार मांडत असते. दिव्या सरकार सेना संघटनेची अध्यक्ष आहे. शाहू- फुले- आंबेडकर विचारांवर चालत असल्याचं दिव्याचं म्हणणं आहे.

दरम्यान, बिग बॉस मराठीच्या घरातून बाहेर आल्यानंतर दिव्या शिंदेच्या टीमनं एक पोस्ट शेअर केलीये. तिची पोस्ट सोशल मीडियात व्हायरल होत आहे.