विजय थलपती यांनी तामिळनाडूच्या मुख्यमंत्रिपदाची घेतली शपथ; तृषा कृष्णनची पहिली प्रतिक्रिया, म्हणाली...

Trisha Krishnan: विजयच्या तमिळगा वेत्री कळघम (Tamilaga Vettri Kazhagam) या नवख्या पक्षानं सर्वाधिक जागा मिळवून सर्वांना आपली दखल घ्यायला भाग पाडलं

Trisha Krishnan

अभिनेता ते राजकारणी असा प्रवास करणाऱ्या विजय थलपती यांच्यासाठी आजचा दिवस सर्वात मोठा ठरणार आहे.

राज्यपालांकडून मंजुरी मिळाल्यानंतर टीव्ही के प्रमुख सी जोसेफ विजय आज रविवारी ( 10 मे 2026 ) सकाळी साडेदहा वाजता चेन्नईतील जवाहरलाल नेहरू स्टेडियम मध्ये तमिळनाडूचे पुढचे मुख्यमंत्री म्हणून शपथ घेतील.

चेन्नईतील जवाहरलाल नेहरू स्टेडियम परिसरात सकाळपासूनच उत्साह, कुतूहल आणि नोस्टेल्जिया दिसून येतोय.

सिनेमा आणि राजकारण यांचा संगम पाहायला मिळणाऱ्या या ऐतिहासिक क्षणाचे साक्षीदार होण्यासाठी अनेक सेलिब्रेटी, समर्थक मोठ्या संख्येने उपस्थित आहेत. पण या सगळ्यात लक्ष वेधून घेतलंय अभिनेत्री तृषा कृष्णाच्या उपस्थितीने.

विजय यांच्या शपथविधी सोहळ्याला तृषा कृष्णन शांत आणि साध्या अंदाजात कार्यक्रमस्थळी पोहोचली .

Continues below advertisement

चेन्नईतील तिच्या घरातून बाहेर पडताना माध्यमांनी तमिळनाडूसाठी हा मोठा दिवस आहे, काय वाटतंय? असा प्रश्न विचारला असता, त्रिशाने ' थँक्यू.. लुकिंग फॉरवर्ड " एवढीच प्रतिक्रिया दिली. या छोट्याशा प्रतिक्रिया नंतर सोशल मीडियावर विजय - तृषा पुन्हा चर्चेत आले आहेत.

तमिळ कावित्री कळघम पक्षाने 2026 च्या तमिळनाडू विधानसभा निवडणुकीत एकूण 108 जागा जिंकल्या. त्यामुळे 234 सदस्यांच्या विधानसभेत हा सर्वात मोठा पक्ष म्हणून समोर आला.

परंतु विधानसभेत बहुमताचा आकडा 118 होता,म्हणजेच टीव्हीके बहुमता पासून 10 जागा मागे होती. अखेर सत्ता स्थापनेसाठी 120 आमदारांच्या पाठिंब्याचे पत्र घेऊन राज्यपालांना भेटल्यानंतर सी जोसेफ विजय यांना तमिळनाडूमध्ये नवीन सरकार स्थापन करण्याचे निमंत्रण पत्र देण्यात आले.

दरम्यान विजय आणि तृषा ही तमिळ सिनेसृष्टीतील सुपरहिट जोडी मानली जाते . त्यांच्या घिल्लीसह उर्वरित तीन चित्रपटांमधील त्यांच्या केमिस्ट्रीला प्रेक्षकांनी भरभरून प्रेम दिलं.

तृषा आणि विजय यांच्या नात्याची ही गेल्या अनेक दिवसांपासून चर्चा होती.

त्यामुळे विजय थालपथी यांच्या या महत्त्वाच्या राजकीय क्षणी तृषाची उपस्थिती पुन्हा एकदा चर्चेचा विषय ठरत आहे.