Top 5 Marathi Film Hit On Box Office:राजा शिवाजी ते सैराट; या 5 चित्रपटांनी हादरलं बॉक्स ऑफिस; OTT वर कुठे पाहाल?

राजा शिवाजी ते सैराटपर्यंत मराठी सिनेमातील सर्वाधिक कमाई करणाऱ्या 5 चित्रपटांची यादी जाणून घ्या.

मराठी सिनेमाने गेल्या काही वर्षांत आशयघन कथांमुळे प्रेक्षकांची मनं जिंकणारे अनेक दमदार चित्रपट दिले आहेत. या चित्रपटांनी केवळ कथानकाच्या जोरावरच नव्हे, तर बॉक्स ऑफिसवरही कोट्यवधींची कमाई करत आपला ठसा उमटवला.

उत्तम अभिनय, संगीत आणि प्रभावी मांडणीमुळे हे चित्रपट प्रेक्षकांच्या विशेष पसंतीस उतरले. जाणून घेऊया मराठी चित्रपटसृष्टीतील सर्वाधिक कमाई करणाऱ्या 5चित्रपटांविषयी...

सर्वप्रथम नाव येतं रितेश देशमुखच्या 'राजा शिवाजी' या चित्रपटाचं. 1 मे 2026 रोजी प्रदर्शित झालेल्या या चित्रपटात छत्रपती शिवाजी महाराजांच्या जीवनप्रवासाची भव्य मांडणी करण्यात आली आहे.

संजय दत्त, अभिषेक बच्चन, विद्या बालन, जेनेलिया देशमुख, फरदीन खान आणि भाग्यश्री यांसारख्या कलाकारांनी या चित्रपटात महत्त्वाच्या भूमिका साकारल्या आहेत. विशेष म्हणजे सलमान खानच्या दमदार कॅमिओलाही प्रेक्षकांची मोठी पसंती मिळाली.

सॅकनिल्कच्या अहवालानुसार, 'राजा शिवाजी'ने बॉक्स ऑफिसवर तब्बल 117.79 कोटी रुपयांची कमाई केली आहे. हा मराठी चित्रपटसृष्टीतील सर्वाधिक कमाई करणारा चित्रपट ठरला आहे. हा चित्रपट लवकरच जिओ हॉटस्टारवर प्रदर्शित होणार आहे.

या यादीत दुसऱ्या क्रमांकावर आहे रिंकू राजगुरू आणि आकाश ठोसर यांचा 'सैराट'. 29 एप्रिल 2016 रोजी प्रदर्शित झालेल्या या चित्रपटाने प्रेक्षकांना अक्षरशः वेड लावलं होतं. या चित्रपटाच्या अभूतपूर्व यशानंतर बॉलिवूड दिग्दर्शक करण जोहर यांनी त्याचा 'धडक' नावाने हिंदी रिमेकही तयार केला.

सॅकनिल्कनुसार, 'सैराट'ने जगभरात सुमारे 110 कोटी रुपयांची कमाई केली होती. मराठी सिनेमाच्या इतिहासातील हा एक मैलाचा दगड मानला जातो. हा चित्रपट ZEE5 आणि ॲमेझॉन प्राइम व्हिडीओवर पाहता येतो.

तिसऱ्या क्रमांकावर 2023 मध्ये प्रदर्शित झालेला 'बाईपण भारी देवा' हा चित्रपट आहे. या कौटुंबिक चित्रपटात रोहिणी हट्टंगडी, वंदना गुप्ते, सुकन्या कुलकर्णी, सुचित्रा बांदेकर, दीपा परब आणि शिल्पा नवलकर यांच्या प्रमुख भूमिका होत्या. सॅकनिल्कच्या माहितीनुसार, या चित्रपटाने बॉक्स ऑफिसवर 90.50 कोटी रुपयांचा गल्ला जमवला. हा चित्रपट जिओ हॉटस्टारवर उपलब्ध आहे.

रितेश देशमुख आणि जेनेलिया डिसूजा यांचा 'वेड' हा चित्रपटही प्रेक्षकांच्या पसंतीस उतरला होता. 2022 मध्ये प्रदर्शित झालेल्या या रोमँटिक ड्रामा चित्रपटात सलमान खानचा विशेष कॅमिओ होता. सॅकनिल्कच्या आकडेवारीनुसार, 'वेड'ने बॉक्स ऑफिसवर 73 कोटी रुपयांची कमाई केली. हा चित्रपटही जिओ हॉटस्टारवर पाहता येतो.

पाचव्या क्रमांकावर आहे स्नेहल तरडे आणि मोहन जोशी यांचा 'देऊळ बंद 2' हा चित्रपट. 2026 मध्ये प्रदर्शित झालेल्या या चित्रपटाने प्रेक्षकांचे भरभरून मनोरंजन केले. सॅकनिल्कच्या माहितीनुसार, या चित्रपटाने बॉक्स ऑफिसवर 1.62 कोटी रुपयांचा व्यवसाय केला. हा चित्रपट अद्याप OTT वर आला नाही