Siddharth Malhotra : 'स्टूडेंट ऑफ द ईयर' फेम अभिनेत्याच्या वडिलांचे निधन; सिद्धार्थ मल्होत्रा भावुक होत म्हणाला..

Siddharth Malhotra : स्टूडेंट ऑफ द ईयर फेम अभिनेत्याच्या वडिलांचे निधन सिद्धार्थ मल्होत्रा भावुक होत म्हणाला..

Sidharth Malhotra pays an emotional tribute to his late father Sunil Malhotra after his demise in Delhi.

बॉलीवूड अभिनेता सिद्धार्थ मल्होत्रावर दु:खाचा डोंगर कोसळला आहे. सिद्धार्थचे वडील सुनिल मल्होत्राचे दीर्घ आजारामुळे निधन झाले आहे.

ही दुःखद बातमी समजताच सिद्धार्थ आपली पत्नी कियारा अडवाणीसोबत तातडीने दिल्लीला रवाना झाला.

कुटुंबियांच्या उपस्थितीत सर्व अंत्यसंस्कार विधी पार पडले. सिद्धार्थने अत्यंत जड मनाने वडि‍लांना अखेरचा निरोप दिला.

सुनील मल्होत्रा हे मर्चंट नेव्हीमध्ये कॅप्टन होते. त्यांनी आपल्या कर्तव्यनिष्ठा, शिस्त आणि प्रामाणिकपणामुळे कुटुंबात विशेष आदर मिळवला होता.

अनेक मुलाखतींमध्ये सिद्धार्थने आपल्या वडिलांचा उल्लेख केला आहे. वडील आयुष्यातील सर्वात मोठे सपोर्ट सिस्टम असल्याचं त्यानं सांगितलं.

काही महिन्यांपूर्वी सुनील मल्होत्रा यांना स्ट्रोक आला होता. त्यानंतर ते पॅरालाइज्ड झाले होते. त्यांची प्रकृती अधिक बिघडत चालली.

वडिलांच्या निधनानंतर अभिनेत्यानं समाजमाध्यमांवर पोस्ट शेअर केली. त्यानं भावनिक शब्दांत श्रद्धांजली अर्पण केली.

सिद्धार्थने लिहिले की वडिलांकडून त्याला शिस्त, नम्रता, ताकद आणि संकटातही न खचण्याची शिकवण मिळाली.

“पापा, मी जे काही आहे ते तुमच्यामुळेच आहे,” अशा शब्दांत त्यानं वडिलांना श्रद्धांजली अर्पण केली.