सिंघम ते जय भीम! दमदार हिरो अन् तेवढाच दमदार अभिनय, बर्थडे बॉय सूर्याबद्दलच्या 'या' गोष्टी माहिती आहेत का?

South Superstar Suriya:अभिनेता सूर्या याचा आज 49 वा वाढदिवस आहे.कपड्याच्या फॅक्टरीत नोकरी ते साऊथचा सुपरस्टार थक्क करणारा प्रवास.

उत्तम अभिनय आणि मेहनतीच्या बळावर सूर्याने स्वत:ची वेगळी ओळख निर्माण केली आहे.

साऊथ स्टार सूर्या याची मोठी फॅन फॉलोईंग आहे. सूर्या राष्ट्रीय पुरस्कार विजेता अभिनेता आहे. तमिळ इंडस्ट्रीमधील सर्वाधिक कमाई करणाऱ्या अभिनेत्यांमध्ये त्याची गणना होते. प्रसिध्दी मिळूनही पाय जमिनीवर असलेला अभिनेता अशी त्याची ओळख आहे. सूर्या सिंघम चित्रपटातून घराघरात पोहोचला. (P.C actorsuriya)

अभिनेता सूर्याचं खरं नाव सर्वानन शिवकुमार आहे. सर्वानन या नावाचा इंडस्ट्रीमध्ये एक अभिनेता असल्यामुळे सूर्या सर्वानन नाव वापरत नाही. (P.C actorsuriya)

अभिनेता सूर्याचा देशभरात मोठा चाहतावर्ग आहे. सूर्याचा जन्म 23 जुलै 1975 रोजी मद्रास म्हणजे आताच्या चेन्नईमध्ये झाला. सूर्याचे वडील शिवकुमार दाक्षिणात्य सिनेसृष्टीतील ज्येष्ठ अभिनेते होते. (P.C actorsuriya)

सूर्याला अभिनेता होण्याची इच्छा नव्हती. सूर्याला लहानपणापासून दिग्दर्शक व्हायचं होतं. अभिनेता शिवकुमार यांचा मुलगा असल्याने निर्मात्यांची नजर कायमच सूर्यावर असायची. 1995 मध्ये आसाई (Aasai) चित्रपटासाठी त्याला मुख्य भूमिकेची ऑफर मिळाली होती, पण अभिनयात रस नसल्याने त्याने ऑफर नाकारली. त्यानंतर त्याने 1997 मध्ये पहिला चित्रपट केला.(P.C actorsuriya)

अभिनेता सूर्याने 1997 मध्ये आलेल्या नेरक्कू नेर (Nerukku Ner) या तमिळ चित्रपटाच्या माध्यमातून वयाच्या 22 व्या वर्षी अभिनय क्षेत्रात पदार्पण केलं. त्यानंतर 2001 मध्ये आलेल्या नंदा (Nandha) चित्रपटातील त्याच्या अभिनयाचं कौतुक झालं. 2004 मध्ये आलेल्या गझनी चित्रपटानेही चांगली कमाई केली. पण त्याला मोठी संधी 13 वर्षानंतर मिळाली.(P.C actorsuriya)

अभिनेता सूर्या याने चित्रपटसृष्टीत पाऊल ठेवण्याआधी कपड्याच्या कारखान्यात काम केलं आहे. अभिनय क्षेत्रात येण्याआधी सूर्या एका गारमेंट फॅक्टरीमध्ये मॅनेजर म्हणून आठ महिने नोकरीला होता. (P.C actorsuriya)

सूर्याने 2010 मध्ये राम गोपाल वर्मा यांच्या रक्त चरित 2 चित्रपटातून बॉलीवूडमध्ये पदार्पण केलं. पण हा चित्रपट काही खास कामगिरी करु शकला नाही. 2010 मध्ये आलेल्या सिंघम चित्रपटामुळे प्रसिद्धी मिळाली. त्यानंतर 2013 मध्ये सिंघम चित्रपटाचा सिक्वेल आला, जो सर्वाधिक कमाई करणारा चित्रपट ठरला. (P.C actorsuriya)