South Actor Bellamkonda Sreenivas Traditional Wedding: 33 वर्षांच्या सुपरस्टार हिरोनं उरकलं लग्न, शाही सोहळ्याच्या रंगल्या चर्चा; ना हत्तीवरुन, ना घोड्यावरुन तर चक्क टोपलीत बसून नवरीची हटके एन्ट्री, PHOTOs

South Actor Bellamkonda Sreenivas Traditional Wedding: दक्षिण भारतीय सिनेसृष्टीतील एक दिग्गज चेहरा, बेल्लमकोंडा साई श्रीनिवास एका शाही सोहळ्यात विवाहबंधनात अडकला आहे.

South Actor Bellamkonda Sreenivas Traditional Wedding

South Actor Bellamkonda Sreenivas Traditional Wedding: दक्षिण भारतीय सिनेसृष्टीतील एक दिग्गज चेहरा, बेल्लमकोंडा साई श्रीनिवास एका शाही सोहळ्यात विवाहबंधनात अडकला आहे. 29 एप्रिल रोजी, या अभिनेत्यानं आपली प्रेयसी काव्या रेड्डी हिच्यासोबत लग्नगाठ बांधली.

या जोडप्याचा पारंपरिक विवाह तिरुमला येथील एका मंदिरात पार पडला. चाहते आणि सेलिब्रिटी अशा दोघांनीही या नवविवाहित जोडप्याला आपल्या शुभेच्छा दिल्या आहेत. त्यांच्या या पारंपरिक विवाहाचे फोटो सध्या इंटरनेटवर मोठ्या प्रमाणात व्हायरल होत आहेत.

चित्रपट आणि राजकारण अशा दोन्ही क्षेत्रांतील अनेक दिग्गज या भव्य विवाहसोहळ्याला उपस्थित होते. तेलंगणाचे उपमुख्यमंत्री मल्लू भट्टी विक्रमार्का यांनी या नवविवाहित जोडप्याला आशीर्वाद दिले.

विवाहासाठी बेल्लमकोंडानं अत्यंत साध्या लूकची निवड केली होती; त्यानं Ivory रंगाचा कुर्ता, धोतर आणि अंगवस्त्र परिधान केलं होतं. वधू काव्या हिनंही याच रंगाची साडी नेसली होती.

काव्यानं पारंपरिक दागिन्यांनी आपला लूक पूर्ण केलेला. लग्नाच्या विधींदरम्यान या जोडप्यानं दोन वेगवेगळ्या वेशभूषा परिधान केल्या होत्या आणि दोन्ही लूकमध्ये दोघेही अगदी लक्ष्मी-नारायणासारखे दिसत होते.

लग्नमंडपात प्रवेश करताना काव्यानं जांभळ्या रंगाची रेशमी साडी नेसली होती आणि सोन्याच्या दागिन्यांनी आपला शृंगार केला होता. दुसरीकडे, वरराजा पिवळ्या रंगाचा कुर्ता-धोतर आणि त्यावर जांभळ्या रंगाची शाल अशा वेशभूषेत दिसून आला.

लग्नमंडपात काव्याची एन्ट्री अत्यंत हटके स्टाईल झाली. ती फुलांनी सजलेल्या मांडवातून किंवा मोटारसायकलवरून आली नाही; त्याऐवजी, काव्यानं एका मोठ्या टोपलीत बसून आपली शाही एन्ट्री केली.

ती त्या टोपलीत बसून मनमोकळेपणानं हसताना दिसून आली. नातेवाईकांनी काव्याला, टोपलीत बसवूनच थेट मंडपापर्यंत उचलून नेलं. काव्याच्या वधूच्या या अनोख्या प्रवेशानं इंटरनेट युजर्सना पूर्णपणे भूरळ घातली आहे.

लग्नाचे फोटो पाहिल्यानंतर, चाहत्यांनी या जोडप्याचं वर्णन Made For Each Other असं केलं आहे. या जोडप्याचा साखरपुडा या वर्षाच्या मार्च महिन्यात झाला होता. नुकतीच दोघांनी आपली लग्नगाठ बांधली आहे.

मीडिया रिपोर्टनुसार, या जोडप्यानं लग्नाच्या दोन रिसेप्शन्सचं आयोजन केलेलं. पहिलं रिसेप्शन 1 मे रोजी तिरुमाला इथे पार पडलं, तर दुसरं रिसेप्शन हैदराबादला आयोजित केलं जाईल.

श्रीनिवास हा निर्माता बेल्लमकोंडा सुरेश यांचा मुलगा आहे. 2023 मध्ये, त्यानं 'छत्रपती' या सिनेमाद्वारे बॉलिवूडमध्ये आपलं नशीब आजमावण्याचा प्रयत्न केला होता. मात्र हिंदी सिनेसृष्टीत त्याच्या कारकिर्दीला म्हणावं तसं यश मिळालं नाही.

काव्याबद्दल बोलायचं झाल्यास, इंटरनेटवर तिच्याविषयी फारशी माहिती उपलब्ध नाही. सोशल मीडियावर तिचे प्रोफाइल प्रायव्हेट आहे आणि तिचा मनोरंजन क्षेत्राशी कोणताही संबंध नाही. काव्याला प्रसिद्धीच्या झोतापासून दूर राहणंच अधिक पसंत आहे.