Bappi Lahiri: सोन्याच्या खुर्च्या अन् 1000 गणपती बाप्पाच्या मुर्त्या; Goldman बप्पी लहिरींचं आलिशान घर पाहिलात का? PHOTOs

Bappi Lahiri house inside photos and luxury details: सोन्याच्या खुर्ची अन् आलिशान फर्निचर, बप्पी लहिरींचं घर पाहिलंत का?

Bappi Lahiri house inside photos and luxury details

प्रसिद्ध बॉलिवूडचे दिवंगत गायक बप्पी लहिरी यांनी 80 - 90 चा दशक गाजवला. त्यांच्या गाण्यांवर आजही तरुणाई थिरकते. बप्पी लहिरींचा AURAच वेगळा होता. गायनाव्यतिरिक्त बप्पी लहिरी हे त्यांच्या पर्सनॅलिटीमुळे चर्चेत असायचे.

बप्पी लहिरी हे कायम सोन्याच्या दागिन्यांनी मढलेले असायचे. बप्पी लहिरी यांचे घर केवळ एक साधं चार भिंतींचे घर नसून, संगीत तसेच छंदांचे प्रतिबिबं आहे. अलिकडेच त्यांच्या नातवाने बप्पी लहिरींच्या आलिशान घराची एक झलक शेअर केली.

माहितीनुसार, 1983 साली त्यांनी हे घर तयार केलं. 19. 32 लाख रुपयांमध्ये त्यांनी हे घर विकत घेतलं असल्याची माहिती आहे.

गायक बप्पी लहिरी यांचे घर खूप भव्य आणि आलिशान आहे. नुकतेच, बप्पी लहिरी यांचे नातू रेगो याने मुलाखतीत आपल्या घराबाबत माहिती दिली. तसेच घरातील झलक दाखवली.

रेगोने आपल्या मुलाखतीत सांगितलं की, माझ्या आजोबांनी (बाप्पी लहिरी) यांनी 1983 साली हे घर विकत घेतलं होतं. बाहेरुन हे घर आपल्याला खूप सिंपल आणि साधे वाटेल. परंतु, आतून हे घर आलिशान दिसेल.

बप्पी लहिरींचं घर आलिशान फर्निचरने भरलेले आहे. घरात एक मोठा हॉल असून, एका कोपऱ्यात बप्पी लहिरी यांना मिळालेले पुरस्कार ठेवले आहेत. रेगो म्हणाला, 'आमच्या घरातील प्रत्येक गोष्ट ही सोन्याची आहे. माझे आजोबा जिथे जेवण करायचे तेथील टेबलसुद्धा सोन्याचा होता. घरात एक सोन्याची खुर्चीही होती'.

रेगोने सांगितलं की, 'आमच्या घरात किशोर कुमार यांचा एक फोटो आहे. हा त्यांचा शेवटचा फोटो मानला जातो. माझ्या आजोबांनी जेव्हा त्यांचा फोटो क्लिक केला, तेव्हा ते गाणं रेकॉर्ड करत होते. हा फोटो क्लिक केल्यानंतर 12 तासानंतर त्यांचे निधन झाले'.

'माझे आजोबा भगवान गणेश यांचे मोठे भक्त होते. घरात 1000 गणेश मुर्त्या आहेत', अशी माहिती रेगोने दिली. त्यांच्या घरात एक साऊंड प्रूफ रुम देखील आहे. जिथे ते गाणं रेकॉर्ड करायचे.